Albistea entzun

Koronabirusa. EKONOMIA PENTSALDIAN

Berba handiak, ezkurrak txikiak

Silvia Gambarte - Abokatu laboralista

2020ko azaroak 21

Herrialde bat ez dabil ondo baldin eta gero eta pertsona gehiago badago pobrezia eta gizarte bazterkeria jasateko arriskuan, baldin eta egunetik egunera gero eta jende gehiagok ezin badie erantzun premiarik oinarrizkoenei, eta baldin eta herrialdeko buru direnek ez badute ezer egiten egoera hori amaitzen ahalegintzeko. 2020ko maiatzean, Parlamentuak bizitzeko gutxieneko diru sarrera onartu zuen. Euskadin, bazen lehendik ere antzeko laguntza bat: DSBE diru sarrerak bermatzeko errenta, are hobea ere badena alderdi batzuetan. Esate baterako, diru kopuruari dagokionez. Bizikidetzako unitateak zenbat pertsona biltzen dituen, horren arabera, bizitzeko gutxieneko diru sarreraren gehieneko zenbatekoa 461,5 eurotik 1.015,73ra bitartekoa da; DSBEren kasuan, 693,73 eurotik 1.035,86rainokoa da, eta, pentsioduna izanez gero, handiagoa, 795,95etik 1.124,98ra bitartekoa. Bizitzeko gutxieneko diru sarrera eskuratu ahal izateko, berriz, hileko diru sarrerak txikiagoa izan behar du kasu bakoitzean dagokion diru laguntza hori baino, eta ezin da eduki 16.614 eurotik gorako ondarerik, pertsona bakarren kasuan; laguntza hori handitu ahal izango da, 36.550,8 euroraino, bere kargura hiru adingabe dituen heldu bat bada, edota bi edo hiru adingabe dituzten bi heldu badira. DSBEri dagokionez, diru sarrerek txikiagoak izan behar dute hileko laguntza hori bera baino, eta ondarea ezin da izan 35.805 € baino handiagoa pertsona bakarren kasuan, eta ezin da izan 55.459,68 € baino handiagoa bizikidetza unitate berean 3 pertsona edo gehiago dituzten pentsiodunen kasuan. Laguntza horiek bateragarriak dira elkarren artean, baina ez dira eskubide unibertsal edo indibidual bat: zenbait baldintza betetzen dituztenek soilik eskuratu ahal izango dituzte, eta, gehienera jota, 2 pertsonak bizikidetza unitateko. Laguntza bietan, ezinbestekoa da bertan bizitzeko lege baimena eduki izana, etenik gabe: Espainian, gutxienez urtebete, bizitzeko gutxieneko diru sarrerari dagokionez; Euskadin, hiru urte, DSBEri dagokionez. 2020. urte ilun honetan, jende askok ez du lanik, ez lanik lortzeko biderik, ez eta garai latzotan aurrera egiten lagunduko dion laguntzarik ere; beraz, bizitzeko gutxieneko diru sarrera hori begi onez hartua izan zen. Onartu eta hilabete batzuetara, ordea, ezezkoa eman diete eskaerarik gehienei. Eskatzaileak ezin atera dabiltza lehengo egoeratik, hots, pobreziatik eta gizarte bazterkeriatik, nahiz eta hori borrokatzeko asmoa zegoen. Ahal duten moduan diraute bizirik. Laguntza hori hutsaren hurrengo bihurtu zaie milaka pertsonari. Argi dago, bada: neurrien propaganda gutxiago behar dugu, eta neurriok ezartzeko orduan eraginkorrago izan beharra dago; traba eta eskakizun burokratiko zentzugabe gutxiago jarri behar dira, eta laguntzak eskuratzeko erraztasun gehiago eman; gutxiago gastatu behar da alferrikako gauzetan, eta laguntza gehiago eman premiarik handienean direnentzat. Izan ere, gauza bat argi dago bizitzeko gutxieneko diru sarreraren inguruan: berba handiak, ezkurrak txikiak.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Frantziako Poliziaren kontrola  Irun eta Hendaia arteko mugan ©Bob Edme

Mugetako kontrolen luzapena eskatu dio Frantziak Bruselari, 2023ko apirila arte

Ekhi Erremundegi Beloki

Kontrolak zorroztu dituzte azken urteetan, eta Ipar eta Hego Euskal Herriaren arteko zortzi pasabide itxi zituzten 2021eko urtarrilean. Horiek irekitzeko eskatu diote erakundeetako ordezkariek Frantziako Gobernuari aste honetan.

Iñaki Arriola. ©Raul Bogajo / Foku

Arriolak normaltzat jo du AHTaren lanen amaiera 2027ra atzeratu izana

Gotzon Hermosilla

«Urrun dagoela eman dezake, baina lanen tamaina aintzat hartuta, ez da hain epe luzea»

Egia Osoa egitasmoaren aurkezpena gaur, Iruñean. / ©Foku

Iruñeko bi polizia etxe memoria gune izendatzeko eskatu du Egia Osoa egitasmoak

Ion Orzaiz

Egitasmoa osatzen dute hainbat elkarte memorialistek, zenbait abokatuk eta torturatuak izandako pertsona batzuek.

Manifestazioa iragartzeko prentsaurreko, atzo. ©Erdiz Bizirik

Baztango meategi proiektuaren aurka mobilizatuko dira urriaren 12an

Iñaut Matauko Rada

Magnesitas de Navarra enpresaren proiektuak baztandarrek «bizirauteko behar» dituzten baliabideak suntsituko dutela adierazi dute; bailarako hainbat herri, elkarte eta antolakunde batu dira deialdira.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...