Koronabirusa

Gogorrago zigortuko du Nafarroak

Berria -

2020ko irailak 17

Nafarroako Gobernuak gogortu, zehaztu eta bateratu egin ditu orain arte pandemiaren ondorioz ezarritako neurri murriztaileak betetzen ez dituztenen kontrako zigorrak. Joan den ostiralean iragarri zuten aldaketak izanen zirela, baina atzo arte ez zuten onartu aldaketa horiek biltzen dituen lege dekretua.

Gobernuak iragarri dituen neurrien artean, aipatzekoak dira maskararen erabilerarekin eta botila festekin lotura dutenak. Izan ere, Javier Remirez presidenteordeak adierazi duenez, bi jarduera horiekin lotutakoak dira uztail erdialdetik gaur egunera arte herritarrek egindako arau hauste gehienak. Erantsi du ordutik hona Foruzaingoak 1.120 salaketa jarri dituela segurtasun neurriak ez betetzeagatik.

Zehapen araudi berria indarrean, maskara erabiltzen ez dutenen edo era desegokian jantzia dutenen kontrako zigorra 300 eurokoa izanen da, gutxienez, pertsonen arteko distantzia gordetzen ez denean. Dekretua onartu aurretik, 100 eurokoa zen gutxieneko isuna. Aldiz, hemendik aurrera, 600 euroko zigorra ezarriko dute, gutxienez, kale zurrutean aritzeagatik.

Bestalde, gobernuak hiru mailatan sailkatuko ditu arau hausteak: arinak, larriak edo oso larriak izanen dira, gainerako herritarren osasunean eragin dezaketen arriskuaren edo kaltearen arabera. «Oso larri» modura izendatutako horien kasuan, isunak 60.001 eta 600.000 euro bitartekoak izanen dira, gobernukoen esanetan.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

PCR proba bat, Gurutzetako ospitalean. ©Luis Jauregialtzo, FOKU

Positibo kopuruak goia jo du Nafarroan

Uxue Rey Gorraiz

Beste 749 kasu atzeman dituzte Hegoaldean, eta nabarmen ugaritu dira Nafarroan: 362 kutsatu detektatu dituzte azken egunean. 501 lagun daude erietxeratuta Hego Euskal Herrian, eta 82 gaixo daude ZIUetan.

Zestoa, artxiboko irudi batean. ©Gorka Rubio / Foku

Eraikin publikoak eta tabernak itxi dituzte Zestoan

Berria

28 kasu baieztatu dituzte azken egunetan, eta neurri murriztaileak hartu dituzte agerraldiari aurre egiteko asmoz. Datozen egunetan egoera «kontrolatzea» espero dute.

Iñigo Urkullu omenaldian ©Eusko Jaurlaritza

Koronabirusaren biktimak omendu dituzte Gasteizen

Uxue Rey Gorraiz

Iñigo Urkullu lehendakariak gidatu du ekitaldia. Pandemiarengatik hildakoak gogoratu ditu, eta elkartasuna adierazi die familiei. «Elkarrizketa soziala» bultzatu dadin galdegin du, bizikidetza sozialaren berreraikuntzarako.

Sindikatuen eta Sareren elkarretaratzea, presoen egoeraren harira Bilbon. ©Marisol Ramires/FOKU

Hainbat espetxetan komunikazioak eten dituztela salatu dute Sarek eta Etxerat-ek

Maria Ortega Zubiate

Presoek eta haien senideek “garai oso zailak” bizi dituztela adierazi dute bi elkarteek, eta pandemiak “salbuespenezko erregimenaren aplikazioa” areagotzen duela. Positibotzat jo dituzte Eusko Legebiltzarrean eta Espainian espetxe politika aldatzeko egindako adierazpenak.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna