Albistea entzun

Brebeta eta baxoa osoki euskaraz pasatzea galdetu du Seaskak Donapaleun

Brebetako zientzietako proba euskaraz itzuli dute Seaskako ikasleek, baina ez diete euskaraz zuzenduko. Blokeo egoera salatu dute
Azterketak euskaraz egitea galdegin zuten atzo, Donapaleun.
Azterketak euskaraz egitea galdegin zuten atzo, Donapaleun. G. FAUVEAU Tamaina handiagoan ikusi

Oihana Teyseyre Koskarat -

2021eko uztailak 2

Manifestazio batekin eman diote bukaera Donapaleuko (Nafarroa Beherea) Amikuzeko kolegioko okupazioari: Seaskako ikasleei euskaraz osoki ikasteko eskubidea urratzen zaiela salatu dute hartan. Atzo arratsaldean, ehunka lagun bildu ziren Donapaleun Azterketak euskaraz! lelopean. Iragan hilabetean sortu Azterketak Euskaraz kolektiboak antolatu zuen protesta, baxoa eta brebeta osoki euskaraz pasatu ahal izatea eskatzeko.

Seaskako kolegioetako hirugarren mailako ikasleek brebeta egin zuten astelehenean eta asteartean. Nahiz eta ikuskaritzaren debekua jasoa zuten, kopiak euskaraz itzultzeko hautua egin zuten ikasleek. Alta, ez dute inolako bermerik euskaraz zuzenduak izateko. Hain zuzen, horren salatzeko, Amikuzeko kolegioa okupatu zuten bi egunez: Larzabaleko kolegioko (Nafarroa Beherea) ikasleen kopiak hara eraman ziren asteartean. Geroztik, Seaskako irakasle, guraso eta ikasleek probak handik ateratzea eragotzi nahi izan dute ikastetxea okupatuz, kopiak ez zitzaten frantsesez zuzendu.

Okupazio denboran, Frantziako Jendarmeak joan ziren ikastetxera, baina okupatzaileek ez dute kopien berririk jaso ahal izan. Hala, ez dakite kopiek han segitzen duten, ala, beste ikastetxe batzuetako euskarazko zientzietako kopien gisara, Pauera (Okzitania) eraman dituzten, irakasle erdaldun batzuek zuzendu ditzaten. Kasurako, Ziburuko (Lapurdi) Seaskako kolegioko ikasleen zientzietako probak Pauera eraman zituzten asteazkenean, eta zuzentzaile erdaldunek zuzendu dituztela pentsa daiteke.

Zuzenketa «paraleloa»

Blokeo egoeraren salatzeko, ekintza sinboliko bat antolatu zuten Seaskako irakasleek, atzo, okupazio denboran. Eñaut Elosegi Kanboko (Lapurdi) Xalbador kolegioko zuzendariak azaldu du sare publikoko, pribatu giristinoko eta Seaskako irakasleek kopiak euskaraz zuzendu dituztela han: «Gure ikasle guzien kopiak fotokopiatu genituen asteartean, zuzenketa guneetara eraman aitzin. Kopia horiek irakasle euskaldun batzuek zuzendu zituzten, paraleloki, nolabait. Helburua da, alde batetik, gure ikasleei egiazki merezi duten nota helaraztea, ikuskaritzak emanen dituen noten batez bestekoarekin alderatzeko. Bestetik, Hezkuntza Ministerioari frogatu nahi diogu baliabideak badirela euskaraz zuzentzeko».

Euskarazko kopien zuzenketa «paraleloa» egiten aritu da Paxkal Duhau, sare pribatu giristinoko fisika irakaslea. «Egoera ez da batere justifikatua: beste gaiak euskaraz egiten dituzte, baina zientzietakoa, ez. Ez du logikarik. Gainera, lehen aldian, euskaraz zuzendu ziren: are zentzu gutxiago du», salatu du. Duhauk argi du: «Nahikari politiko falta da. Kopiak euskaraz zuzentzea egingarria da, eta erraza».

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Elhadji Ndiaye omentzeko ekitaldia, Iruñeko Arrotxapea auzoan, iaz. ©JESUS DIGES / EFE

ESPALOIAN ITOTAKO BIZITZA

Ion Orzaiz

Duela bost urte, 2016ko urriaren 25ean, Elhadji Ndiaye senegaldarra zendu zen, Espainiako Poliziaren zaintzapean, Iruñean. Atxiloketa bortitz baten ostean konfirmatu zuten hila zela. Poliziaren jokabide arrazisten ondorio dela uste dute Ndiayeren lagunek eta gobernuz kanpoko erakundeek.
Egonkorrak bilakatu dira Ipar eta Hego Euskal Herriaren artean Frantziako indar armatuek egiten dituzten kontrolak. ©BOB EDME

Sistemaren belauna lepoan

Oihana Teyseyre Koskarat - Jone Arruabarrena - Ion Orzaiz -Javi West Larrañaga

Migratzaileen aurkako jazarpena fenomeno orokortua da Euskal Herrian. Adituek eta gobernuz kanpoko erakundeek salatu dute Poliziak «sistematikoki» erabiltzen duela bortxa pertsona arrazializatuen aurka.
 ©BERRIA

«Polizia, nahitaez, giltzarri da gizarte arrazista iraunarazteko»

Maite Asensio Lozano

Segurtasunaren zein mehatxuen inguruan zabaltzen diren ideiak «eraikuntza politikotzat» dauzka Douhaibik; horrekin lotu ditu kolektibo arrazializatuen aurkako kriminalizazioa eta jazarpen poliziala.
 ©BERRIA

«Behartu nahi gaituzte Poliziaren aurrean behera begiratzera»

Ion Orzaiz

Modou Faye, 'Beltxa'. Senegal atzean utzita, Iruñera iritsi zen duela urte asko. Paperak ditu orain, Africa United elkarteko burua da, baina horrek ez du Poliziaren jazarpenetik libratu.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.