Albistea entzun

Atentatua Parisen. 'Charlie Hebdo'-ren aurkako erasoa. ANALISIA

Film zahar baten bertsio berria

Iñaki Petxarroman -

2015eko urtarrilak 8

Lurrikara eragin du Frantzian Charlie Hebdo aldizkari satirikoaren aurkako atentatuak, eta haren oihartzuna eta ondorioak, herrialde horretan ez ezik, Europa osoan ere nozituko dira.

Lehenik eta behin, berriro ere, kate mailarik ahulena jo dute atentatua egin dutenek: babesik gabeko herritarrak eta adierazpen askatasuna. Jainkoaren izenean eraso diete islamistek —haiek direla baieztatzen bada— aldizkariari eta horko langileei. Eta ez dadila horretaz harritu Mendebaldea. Ez al zuen, bada, jainkoaren izenean hitz egiten George Bush AEBetako presidente ohiak ere 2003an atentatu honekin zerikusi dezente daukan Iraken inbasioari ekin zionean?

Adierazpen askatasunaren aurkako eraso gogorra da, aitzakiarik gabeko gaitzespena merezi duena. Eta ondorio sozial zein politiko kezkagarriak iragartzen ditu etorkizun hurbilean. Lehenik eta behin, frantziar jatorrikoak ez diren kolektibo gehienentzat, bereziki beltz eta magrebtar jatorrikoentzat. Jakinekoa da herrialde arabiarretako kasta monarkiko-erlijiosoetako ahaideek —ohikoak Parisko unibertsitate eta giro elitistetan— ez dutela arazorik izango. Etorkinez betetako auzo baztertuetan pairatuko dituzte ondorio latzenak. Presio polizial eta judiziala ez ezik, musulmanen aurkako gorroto soziala handitu besterik ez du egingo atentatu honek. Alegia, erokeria elikatu eta zabaldu.

Lehendik ondutako lurrean ereingo du xenofobia eraso bortitzak. Eta goraka datorren Fronte Nazionala alderdi ultraeskuindarrak jasoko ditu fruiturik mardulenak. Horrek, dudarik gabe, ez die ezertan lagunduko atentatu egileekin erlijioa, kultura eta fedea partekatzen dituzten herritarrei. Eta badute, lehenez gain, arrazoi gehiago kezkatzeko.

Mendebaldeak ere badu erantzukizun politikoa. Zeresanik ez, Frantziak. Afrika iparraldean eta Ekialde Hurbilean izan duen esku hartze neokolonialak badu ondoriorik, nahiz eta, ia beti gertatzen den bezala, horren kalterik mingarrienak herritar babesgabeek pairatu. Mendebaldeak armaz, diruz eta jendez elikatutako Estatu Islamikoaren mamua hortzak erakusten ari zaizkio Mendebaldeari berari, garai batean Bin Ladenek, eta, aldiro-aldiro, Al-Qaedak bezala.

Ez da harrigarria Sirian eta Iraken basakeria integristak egiten ari diren asko Europan jaioak izatea, Frantzian haietako asko. Europan sozialki, politikoki eta ekonomikoki baztertu eta jazarri zaizkie jatorri islamiarreko kolektiboei. Eta jazarpen eta gorroto giro horretan sortutako belaunaldi gazteeen artean arrantza oparoa egiten ari da integrismo erlijiosoa. Atentatu honek gurpil zoro hori elikatzen jarraituko du.

Charlie Hebdo-ren aurkakoa ez da islamistek Europan egin duten lehen erasoa —hor dira Madrilgo eta Londresko atentatuak, adibidez— baina beste ofentsiba baten hasiera izateko traza dauka. Film zahar baten bertsio berri bat.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Guillermo Lasso eskuinaren hautagaia, bart, garaipena ospatzen, Quiton. ©Santiago Fernández / EFE

Baliogabeturiko botoak garaipena eman dio eskuinari

Berria

Presidentetzarako hauteskundeetako lehenengo itzulian iruzurra egon zela iritzita, baliogabe bozkatzeko eskatu zien jarraitzaileei Yaku Perez hautagai indigenistak. Guillermo Lasso izango da herrialdeko presidentea.

Teknikari bat Natanzeko plantan, apirilaren 10ean. ©Irango Presidentetza / EFE

Planta nuklear batean erasoa pairatu duela salatu du Iranek

Berria

Uranioa aberasteko tresneria estreinatu eta egun batera jo dute Natanzeko plantaren aurka. Israelgo hedabide publikoek esan dute Tel Avivek aginduriko ziber-erasoa izan dela

 ©CECILIA VALDEZ

«Hautagaiok ez dituzte aintzat hartzen indigenen eskakizun historikoak»

Cecilia Valdez

Ekuadorko presidentetzarako bozen lehen itzulian iruzurra izan zela salatu zuen Perezek, baina entzungor egin zion hauteskunde batzordeak. Gaur egingo duten bigarren itzulian baliogabe bozkatzeko eskatu du mugimendu indigenak.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna