Albistea entzun

Gradu progresioei eten berri bat ezarri diete

Atristain eta Inziarte euskal presoak espetxera itzuli dira, haien hirugarren graduak kautelaz eten ostean. Lehen aldiz gertatu da halako zerbait, Espainiako Auzitegi Gorenak ezarritako doktrinak eraginda.
Euskal presoen eskubideen aldeko mobilizazioa, urtarrilean, Bilbon.
Euskal presoen eskubideen aldeko mobilizazioa, urtarrilean, Bilbon. JAIZKI FONTANEDA / FOKU Tamaina handiagoan ikusi

Iosu Alberdi -

2023ko martxoak 16

Xabier Atristainen eta Juan Manuel Inziarteren gradu progresioen aurkako kautelazko neurriak ezarrita, Espainiako justiziak oztopo bat gehiago jarri die euskal presoen gizarteratze prozesuei. Auzitegi Nazionaleko Espetxe Zaintzako Epaitegi Zentralak lehen aldiz aplikatu du Auzitegi Gorenak ezarritako doktrina, eta fiskaltzaren eskaera hutsa nahikoa izan da erdiaskatasuna behin-behinean eteteko.

Gradu progresioen aurkako helegiteak aurkeztearekin batera, fiskaltzak haiek kautelaz eteteko eskaerak egin ditu. Argudiatu du ihes egiteko arriskua dagoela. Bestetik, presoa «kartzelatik ateratzea» eragin dezaketen kasuetan, helegiteak behin-behinean eten behar duela irteera —Botere Judizialaren Lege Organikoko bosgarren xedapen gehigarria—. Azkenik, hirugarren gradua dagokion jurisdikzio organoaren —Auzitegi Nazionaleko Lehen Zigor Sala— interbentziorik gabe eman daitekeela —7/2003 lege organikoa—. Espetxe Zaintzako Epaitegi Zentralak, ordea, atzera bota ditu orain arte eskaerak.

Ikusi gehiago: «Foro Sozialari urte askoan begiekin entzun zaio; hori gainditu da»

Abenduaren 15ean, baina, prozesua irauli duen ebazpena iritsi zen. Auzitegi Gorenak espetxe zaintzako epaitegien jokabidea arautzeko doktrina ezarri zuen, fiskalaren asmoen mesedetan.

Onintza Ostolaza abokatuak azaldu du jada «salbuespenezkoa» den legediaren inguruko interpretazio zabalago bat egin duela Gorenak: «Adierazi du kartzelatik ateratzea modu orokorragoan ulertu behar dela, espetxea uztetik haratago joanda, hirugarren graduak ere barne hartuta». Era berean, adierazi du, legea apelazio helegiteez mintzo den arren, lehen instantzian ere hala aplikatzea ebatzi dutela.

Abokatuaren esanetan, zenbait zaintza epaitegik eta espetxeetako tratamendu batzordek «harridura» eta «aurkako jarrera» erakutsi dute. Horren adibide da ebazpena aldeko hiru botorekin eta kontrako birekin onartu izana ere. Boto partikularra eman zuten epaileek salatu zuten fiskaltzaren eskaera hutsarekin kautelazko neurriak hartzeak haren esku uzten duela gradu progresioa atzeratzeko gaitasuna.

Prozesuan kalteak

Irizpide aldaketak eragin nabarmena izan dezake euskal presoei dagokienez. Orain arte, gradu progresioa jaso bezain laster erdi-askatasuneko erregimenean ateratzen ziren, eta, fiskalak helegitea jarri arren, bost edo sei hilabete egin dituzte hala, epaileak hura onartu edo atzera bota bitartean. Aldaketarekin, presoek hirugarren graduan egin dezaketen epea aste pare batera mugatu daiteke; hori da fiskaltzak helegitea jartzeko erabili ohi duen denbora.

Atristainen kasuan, aste eta erdi inguru egin du kanpoan. Inziartek —68 urte ditu—, hiru egun. Hura ospitaleratuta zegoen hirugarren gradua eman ziotenean, eta alta jaso eta gutxira espetxera itzuli zen. «Oso larria da», esan du Ostolazak. Gainera, abokatuak adierazi du aurrez ere zaila zen gizarteratze prozesuan oztopo bat gehiago dela: «Adibidez, hirugarren gradua lanerako prebisio bati lotua egoten da sarri. Hori dena bertan behera geratzen da honekin».

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Sarraskia gertatu zen lekua, Pasaian, artxiboko irudi batean. ©ANDONI CANELLADA / FOKU

Susmoak, txosten baten argitara

Gotzon Hermosilla

EHUren Unesco katedraren txosten baten arabera, Pasaiako sarraskiaren auzian ez zen «ikerketa judizial eraginkorrik» egon. Txostena 2020ko martxokoa da, baina senideek orain izan dute haren berri: «Minduta gaude»
PSNren udaleko zerrendako lehen postuetan doazen hautagaiak, Elma Saiz zerrendaburua eta Maria Txibite idazkari nagusia. ©PSN

Iruñeko Udalean, PSN «UPNren eta EH Bilduren alternatiba» izango dela aldarrikatu du Saizek

Joxerra Senar

Publikoki bere hautagaitza eta haren taldea aurkeztu du alderdi sozialistak Iruñeko Lezkairu auzoan

EAJk iaz ospatutako Aberri Eguna, Bilboko Plaza Barrian ©Miguel Toña / EFE

EAJk 'Gure izaera. Gure aberria' lelopean ospatuko du Aberri Eguna

Berria

Apirilaren 9an Bilbon batuko dira. Andoni Ortuzarrek eta Iñigo Urkulluk hartuko dute parte emanaldian.

'De Miguel auziko' epaiketaren saio bat, 2018an. ©Jaizki Fontaneda / Foku

Jaurlaritzak iragarri du 'De Miguel auziarekin' lotutako beste langile bat kargugabetuko duela

Olatz Silva Rodrigo

Zupiriak adierazi duenez, Alfonso Arriola bere karguan mantenduko dute, sententziak ez duelako kontrakorik ezarri.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...