Albistea entzun

Eroskik ez du espero aktibo gehiago saldu behar izatea zorra pagatzeko

50. urteurrena ospatu du kooperatibak, eta Markaide lehendakariak esan du eredua indartzeko «behar den guztietan» eraberrituko direla
Agustin Markaide, atzo, Eroskiren 50. urteurrena ospatzeko Bilbon egindako ekitaldian.
Agustin Markaide, atzo, Eroskiren 50. urteurrena ospatzeko Bilbon egindako ekitaldian. ARITZ LOIOLA / FOKU Tamaina handiagoan ikusi

Lander Muñagorri Garmendia -

2019ko martxoak 13

Bankuekin lortutako akordioari dramatismoa kendu nahi izan zion Agustin Markaide Eroskiko lehendakariak atzo goizean: «Finantza erakundeek eta guk bagenekien goiz ala berandu akordio bat lortuko genuela». Kooperatibak joan den astean lortu zuen bankuekin zuen 1.540 milioi euroko zorra birfinantzatzea, baina, hala ere, lasaitasunez hitz egin zuen Markaidek. Euskadi Irratiari emandako elkarrizketan, gainera, ukatu egin zuen desinbertsio berriak egiteko aukera, oraintxe kooperatiba «errentagarria delako, eta indartsu dagoelako». Iraganean egindako desinbertsioak gogoan izan zituen, eta egun nahi duten «perimetroa» dutela azpimarratu zuen.

Zorra itzultzeko bost urteko epea izango du Eroskik, eta lortzen dituzten mozkinetatik ordaindu beharko dute, gainera. Baina behar besteko irabazirik izan ezean, desinbertsioaren bidea ez du baztertzen kooperatibak, akordioa lortu berritan Eroskiko iturriek BERRIAri aitortu ziotenez.

Dena den, kooperatibak finantza etorkizuna argitu ahal izan du, eta elkarte anonimo bihurtzeko aukera uxatu ahal izan du akordioarekin. Birfinantzaketa akordioak, beraz, Eroskiri aukera emango dio egungo ereduari eusteko. Horregatik, esan zuen Markaidek «proiektu kooperatiboa indartzen» ari direla, eta etorkizunean izango duen lekuan kokatzen ari dela Eroski. Adierazpen horiek arratsaldez egin zituen, Bilboko Azkuna zentroan, kontsumo kooperatibaren 50. urteurrena ospatzeko ekitaldian. Oholtza gainetik, beraz, lasaitasunez hitz egin ahal izan zuen. Parean izan zituen agintari publikoak eta kooperatibako bazkideak. 400 pertsonaren abaroan egin zituen adierazpen horiek.

Hala ere, Markaidek ez zuen ukatu Eroski zailtasun «garai luzea» bizi izaten ari dela, baina egoera horri aurre egiteko proiektua garatzea dagokiola ere onartu zuen. «Gaur egunera arte eutsi ahal izan badiogu, hori indar kolektibo baten eraginez izan da. Orain arte bezala, bazkideen eta gizartearen ongizatearen alde lan egingo dugu, eta, horretarako, behar den guztietan eraberrituko gara. Iruditzen baitzait gizarteari ongizate handia eskaintzen dion proiektua dela».

Eredu berrien bila

Azken mende erdian aldaketa asko izan ditu proiektu kooperatiboak, baina oinarrizko eredua zein den garbi utzi zuen Markaidek: «Herrialde batentzat garrantzitsua da lekuan bertan sustraitutako enpresak edukitzea, finantza merkatuen arabera kudeatutako enpresek arrisku asko dakartzatelako; ikusi besterik ez dago, eredu horrek 50 urtean norabide okerreko garapena ekarri baitigu». Etorkizunean beste ildo batetik jarraitu nahi dutela adierazi zuen, saltzen denaren ardura kooperatibak berak izan behar duela esateraino.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Pedro Sanchez Espainiako gobernuburua asteazken honetan eginiko agerraldian ©Chema Moya (Efe)

EH Bilduk Sanchezi: «Pazientziak muga bat du»

Iker Aranburu

Mertxe Aizpurua diputatuak Espainiako gobernuburuari ohartarazi dio «premiazkoa» dela lan erreforma indargabetzea. EAJ ere haserre agertu da Madrilekin, EBren funtsen banaketa zehazten ez duelako.

CAFen fabriketako bat. ©KARLOS CORBELLA

CAFek Frantziako kontratu handia egingo duela berretsi du

Xabier Martin

Alstomek atzera egin duela eta Pariseko RER B aldirietako linearako trenen proiektua martxan jarriko dela berretsi du Beasaingo konpainiak. 146 tren hornitzeko kontratu da, eta CAFi %40 inguru dagokio: 1.000 milioi inguru

Ertzaintzaren atxilotzeko mehatxua, gaizkile esateagatik

Tubacexeko langileek su eman diote pneumatiko barrikada bati

Xabier Martin

Atzo Ertzaintzak langile bat mehatxatu zuen atxilotu egingo zuela esanez, olerki bat irakurtzen ari zela "gaizkile" esateagatik.

Amiantoaren biktimen elkarte baten protesta, atzo, Espainiako Kongresuaren aurrean, Madrilen. ©JUAN CARLOS HIDALGO / EFE

Amiantoaren biktimentzako funtsa eratzea onartu du Kongresuak

Xabier Martin

Eusko Legebiltzarraren eskaera azaldu dute hiru legebiltzarkidek, eta Madrilgo ganberak ontzat jo du lege egitasmoa tramitatzea, Voxen abstentzioarekin. Funtsa nola elikatu, hor egongo da lokarria

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna