Mikel Linazisoro. Eskalatzailea

«Oso azkar iritsi da Tokio; Parisko Olinpiar Jokoei begira ari naiz»

EKAITZ ANDA Tamaina handiagoan ikusi

Unai Ugartemendia -

2019ko azaroak 5

Munduko Kopatik itzuli berritan ekin zion txapelketari Linazisorok (Bergara, Gipuzkoa, 2000). Lehen egunetako nekea alboratuta, agerian utzi du zer maila daukan, eta hiru domina lortu ditu. Olinpiar Jokoetan egoteko aukera apurrak agortu nahi ditu.

Zer balorazio egiten duzu txapelketaz?

Azkenerako oso luzea egin zait txapelketa, baina gustura nago lortutako emaitzekin. Denboraldiari amaiera ona emateko aukera eskaini dit.

Lehen egunetako nekea baztertu bezain laster etorri zen zure bertsiorik onena.

Bai, txapelketaren bezperan iritsi nintzen Japoniatik. Lehen egunetan, ordu aldaketarekin, ez nintzen oso fin ibili, baina azken egunetan hobeto sentitu nintzen. Igandean aritu nintzen ondoen.

Igandea aipatuta, overall-eko finala irabaztea lortu zenuen. Hiru diziplinetatik non sentitu zinen erosoen?

Abiaduran oso erregularra izaten saiatu nintzen. Ez ziren oso denbora onak izan, baina argi neukan ez nuela irristadarik nahi. Boulderrean uste baino nekatuago sentitu nintzen, eta azkenean, zailtasunean, jakinda azken proba izango zela, dena ematera irten nintzen.

Munduko Kopa eta Espainiako Txapelketa amaituta, urte guztia kontuan hartuta, zer nolako balantzea egiten duzu?

Nire lehen urtea izan da Munduko Kopan zailtasuneko diziplinan, eta, oro har, oso gustura geratu naiz. Bi probatan finalerdietan egotea lortu dut, eta gehienetan lehen 25 onenen artean egon naiz. Ez nuen espero hain ondo ibiltzea. 2020rako oso motibatuta nago. Senior mailan bakarrik lehiatuko dut, eta oso kontzentratuta egon beharko dut emaitza onak lortzeko.

2020an Olinpiar Jokoak izango dira Japonian.

Ez da batere erraza izango bertan egotea, baina ezin dut baztertu apirilean izango dudan azken aukera. Hura irabazten duen eskalatzailea Olinpiar Jokoetara joango da eta saiatu behar dut.

Nola ikusten duzu zeure burua munduko onenekin alderatuta?

Datozen Olinpiar Jokoetan egotea oso zaila izango da. Oso azkar iritsi da aukera, eta abiaduran, esaterako, ez gabiltza batere fin. Parisko 2024ko jokoei begira ari naiz. Hura beste gauza bat izango da. Parisen bereizi egingo dituzte diziplinak: abiadura alde batetik, eta blokea eta zailtasuna bestetik. Horrela aukera gehiago ditudala uste dut.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Donostiari 1813an su eman ziotela oroitzeko Dora Salazarrek egindako eskultura, maskara jantzita ©JUAN CARLOS RUIZ / FOKU

COVID-19aren uste ustelak

Mikel P. Ansa

COVID-19aren pandemia ukatzen duten joera batzuek indarra hartu dute uda honetan. Haiek zabaldutako uste batzuk zeinen okerrak diren azaldu dute Miren Basaras eta Guillermo Quindos mikrobiologoek artikulu sorta honetan.

PCR proba bat, Indian. Bigarren herrialde kaltetuena da hura. ©SANJEEV GUPTA / EFE

Milioi bat lagun baino gehiago hil ditu COVID-19ak

Iosu Alberdi

AEBetan erregistratu dute kasu eta heriotza gehien. Euskal Herriak munduko heriotza tasa handienetako bat du: 77 heriotza 100.000 biztanleko.

Konfinamendua ezarri zuten Azkoienen. ©Idoia Zabaleta / Foku

Hegoaldeko kasuen erdiak baino gehiago, Nafarroan

Uxue Rey Gorraiz

Beste 603 positibo zenbatu dituzte Hego Euskal Herrian; Nafarroan atzeman dituzte horietatik 318. Halaber, bi pertsona zendu dira birusaren ondorioz.

Maria Txibite, agerraldi batean. ©Jesus Diges / Efe

Txibitek esan du egoera «kontrolatuta» dagoela Nafarroan

Arantxa Iraola

Positibo «asko» izan arren konfinamendu orokorrik ezartzeko asmorik ez dutela adierazi du

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna