Donostiako 55. Jazzaldia

Gau magiko eguneratu bat

Charlie Parker omenduz eta 'Jazz at Massey Hall' diskoa interpretatuz hasi du Perico Sambeaten taldeak Donostiako 55. Jazzaldia
Perico Sambeat eta Voro Garcia, atzoko kontzertuan.
Perico Sambeat eta Voro Garcia, atzoko kontzertuan. JON URBE / FOKU Tamaina handiagoan ikusi

Mikel Lizarralde -

2020ko uztailak 23

Kultur diziplina orok dauzka data markatuak bere historia luze edo laburrean. Arrazoiren bategatik edo besteagatik etengabe oroitzen diren horiek. Eta jazza ez da horretatik salbu. Data bat: 1953ko maiatzaren 15a. Hiri bat: Toronto, Kanadan. Areto bat: Massey Hall. Eta, oholtza gainean, egun horretarako The Quintet deitura jarri dioten boskotea: Charlie Parker (saxo altua), Dizzy Gillespie (tronpeta), Bud Powell (pianoa), Charles Mingus (kontrabaxua) eta Max Roach (bateria). Egun hartan, beboparen historiara igaro den kontzertu bat eman zuten bost musikariek, eta handik hilabete batzuetara, emanaldi haren lagin bat, sei piezakoa, disko batean jaso zuten: Jazz at Massey Hall.

67 urte igaro dira ordudanik; jazza zeharbide ugaritan sakabanatu da, baina kontzertu hura erreferentzia bat da oraindik ere. Horregatik, eta aurten Parker jaio zela ehun urte betetzen direla gogoratzeko, Donostiako Jazzaldia Jazz at Massey Hall diskoa gogoratuz hasi zen, atzo eguerdian, Viktoria Eugenia antzokian. Agertoki gainean, beste boskote bat: Perico Sambeat (saxo altua), Voro Garcia (tronpeta),Toño de Miguel (kontrabaxua), Albert Sanz (pianoa) eta Stephen Keogh (bateria). Parker, Gillespie, Mingus, Powell eta Roachen oinordekoak guztiak ere. Egun batez gutxienez.

Denborarekin, Torontoko kontzertu hartan jo zituzten beste pieza batzuk ere joan dira argitaratzen, baina Sambeatek gidatutako taldeak jatorrizko diskoa hasi eta buka interpretatu zuen. Perdido Duke Ellingtonen bandak ezagutzera emandako estandarrarekin hasi zuten kontzertua, saxoaren eta tronpetaren arteko jokoak nagusi zirela, eta segidan iritsi zen, diskoan bezala, Gillespiek idatzitako Salt Peanuts. Bigarren pieza horretan ere, kontzertu osoan bezala, boskotea jatorrizko diskoan azaldutako bertsioari lotu zitzaion, baina inprobisazioari eta bide askeei uko egin gabe, eta taldekide guztiek izan zuten beren dohainak erakusteko aparteko uneren bat.

All The Things You Are (Jerome Kern) eta 52nd Street Theme (Thelonious Monk) piezek osatutako medley-ak, Denzil Best bateria joleak idatzitako Wee-k eta Hot House-k (Tadd Cameron) bidea egin zuten Gillespieren A Night in Tunisia klasikoarekin kontzertuaren —eta diskoaren— amaierara iristeraino. Bost kideek elkartuta agurtu zuten antzokian segurtasun neurriak beteta bildutako publikoa, baina, haren eskaerari erantzunda, berriro igo ziren oholtzara, George Gershwinen Embraceable You baladarekin azkenekoz agurtzeko.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Jedea Bilboko metrotik irteten, maskara jantzita ©Luis Tejido/EFE

Berrehun positiboren langa gainditu da seigarren egunez jarraian Hego Euskal Herrian

Berria

Azken orduetan 224 kasu atzeman dituzte. Positiboetatik 123 Bizkaian detektatu dira.

Gasteizko zahar etxe bateko egoiliar bat bisita jasotzen. ©David Aguilar/EFE

Arabako eta Gipuzkoako zahar etxeetako hamar langilek positibo eman dute

Berria

Gainerako langileei eta egoiliarrei probak egin dizkiete, eta ez da kasu gehiago atzeman oraingoz.

Maskara jantzitako emakume bat Donostiako autobus geltokian, eskailera mekanikoak jaisten. ©Gorka Rubio / FOKU

Pandemiak desberdintasunak sakondu dituela dio Emakunderen txosten batek

Maddi Ane Txoperena Iribarren

Gizon eta emakumeen osasuna, ordaindu gabeko zaintza lanak, enplegua, indarkeria matxista, bazterkeria eta parte hartzea azken hilabeteotan nola aldatu diren aztertu du Emakundek. Egoera hobetzeko gomendioak egin dizkie erakundeei.

Emmanuel Macron Miarritzen (Lapurdi), artxiboko irudian. ©Bob Edme

Zaintza langileentzako sari bat hitzeman du Macronek

Oihana Teyseyre Koskarat

Adinekoez eta elbarrituez arduratzen diren zaintzaileek 1.000 euroko «COVID saria» jasoko dute. Frantziako Estatuak 80 milioi euroko diru laguntza emanen die departamenduei.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna