Albistea entzun

Donostiako 68. Zinemaldia. KRITIKA. Horizontes Latinos

Mugan galdutako bizitzak

AEBak eta Mexiko arteko mugan dago girotua filma.
AEBak eta Mexiko arteko mugan dago girotua filma. BERRIA Tamaina handiagoan ikusi

Amaia Garcia -

2020ko irailak 25

'Sin señas particulares'

Zuzendaria: Fernanda Valadez. Herrialdea: Mexiko. Iraupena: 99 minutu.

Mexiko eta AEBak banatzen dituen harresiak, pertsonak banatzeaz gain, drama latza sortzen du Mexikoko eta hegoalderago dauden herrialdeetako pertsonen artean. Lagun asko desagertzen dira mugaren inguruan. Mugara iristea zaila izan daiteke, baina ondoren gertatzen dena zailagoa da.

Fernanda Valadezek desagerpen baten istorio bat kontatzen digu, mugaren errealitatea gerturatzeko. Magdalenaren semea mugara joan zen Arizonan lan egiteko intentzioarekin. Bere lagun batekin joan zen eta laguna hilda aurkitu dute. Aldiz, Magdalenak ez du bere semearen gorpua aurkitu, eta haren bila jarraituko du. Semea muga inguruko herrietan bilatzen jarraituko du, eta lortzen dituen arrastoen atzetik joango da Magdalena.

Bitartean, Miguel deitutako gazte bat AEBetatik bota dute, eta Mexikoko mugara iritsi berri da. Bere amaren etxera iritsi nahi du, eta bitartean Magdalenarekin egingo du topo. Miguelen bidea ere latza izan da, AEBetara iritsi eta bertan bizi ostean, migrazio-poliziak atxilotu eta bere herrialdera itzuli baitu.

Filma Horizontes Latinos saileko altxor bat da. Pelikula gauza txiki batetik hasten da, eta amaiera erraldoi batera garamatza; hau da, filmaren erritmoa txikitik handira doa. Hasieran ez dakigu zer gertatuko den, baina une oro gauza berriak agertzen dira, eta larritasuna areagotzen da. Amaierara eramaten gaituen bitartean, zuzendariak maisuki erakutsi du egoeraren zailtasuna, eta indartsu amaitzen du kontakizuna.

Drama latz batean oinarritutako thriller bikaina da. Zuzendari moduan egindako hirugarren lana da Fernanda Valadazena, eta honekin argi utzi du jarraitu beharreko zuzendaria dela.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Eñaut Zubizarreta musikaria, atzo, Ahotsenea gunean. ©ARITZ LOIOLA / FOKU

Bat, bi, bat, bi, hiru, lau

Iñigo Astiz

Murrizketekin ere, aurten Durangoko Azokako guneek berreskuratu egin dituzte beren programak, eta, murrizketak murrizketa, poza azaldu dute arduradunek, berriz ere jendeari aurrez aurreko saioak eskaini ahal izateagatik.

Ibai Aizpuruari beka emateko agerraldia. Ezker eskuin, Nerea Mujika, Ima Garrastatxu, Aizpurua eta Lorea Arakistain. ©Durangoko Azoka

‘Barraka’ euskarazko abentura bideo jokoak irabazi du Durangoko Azokako laugarren sormen beka

Ainhoa Sarasola

Ibai Aizpurua diseinatzaile eta programatzaile irundarrak eskuratu du 15.000 euroko laguntza, urtebeteko epean bere proiektua garatzeko. Heldu den urteko azokan aurkeztuko du emaitza.

 ©LARA MADINABEITIA / BERRIA

«Sortzailea hari honetan alderik makalena da, maiz zaintzen ez dena»

Andoni Imaz

Lagunak dira Morales eta Landabaso; biak Bilbotik etorri dira Durangora. Morales saltzera etorri zen lehenengoz, eta Landabaso, umea zela. Urte osoan erosten ez dituzten bitxikerien bila etortzen dira gaur egun.

Maia Iribarne eta Paxkal Irigoien musikariak eta <em>Bañolet</em> websailaren egileak, atzo, Durangoko 56. Azokan. ©ARITZ LOIOLA / FOKU

Heldu bilakatzearen konkista

Itziar Ugarte Irizar

Maia Iribarnek eta Paxkal Irigoienek 'Bañolet' websailaren aurrerapena aurkeztu dute, iaz sormen beka irabazi ondotik. Bederatzi kantuko diskoa ere kaleratu dute: 'Bañolet kantuz'

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.