Albistea entzun

DENA ETA EZTENA

Txikiaren zaporerik gabe

Naiara Elola -

2017ko urriak 1

Akabo. Itzali da azken bederatzi egunetan Donostiak izan duen distira. Joan dira Arnold Schwarzenegger, Ricardo Darin, Monica Bellucci eta besteak. Handia handiagoa bilakatu da. Maiz lepo bete dira Gipuzkoako hiriburuko zinema aretoak. Baina, fokuak itzali orduko, beti bezain hutsak egongo dira, ziurrenik. Handia den Zinemaldiaren puxika husteko garaia da, eta baita bestondoaren eta kritikena ere: behar baino nazioarteko izar gutxiago izan direla, filmen kalitatea iazkoa baino apalagoa izan dela, telebistako serieak programatzea hanka sartzea izan dela...

Zenbaitetan, Zinemaldia kanpotik bizi dugunontzat, tamainaz erraldoi bilakatu dela ematen du. Donostia da epizentroa, baina Espainiako mailako babesleek eta erakundeek, Kultura Ministerioak kasurako, erdigunean Euskal Herria ezarri beharrean Espainia kokatzeko nahia erdiesten dute. Asteazkenean, Monica Bellucci aktore italiar handiaren hitzak entzun besterik ez dago. Belodromoan jaso zuen Donostia saria. Zinez eskertu zuen, gainera, ingeles jatorrean: «Eskerrik asko sariagatik. Eskerrik asko, Espainia», esan zuen. Hitz horiek askoren bihotzean sastako bat bezala izan ziren. Sast! euskal herritarren identitatearen erdi-erdian.

Horregatik, ondo dago Miel A. Elustondok, iragan astean, Baztango (H)ilbeltza euskal nobela beltzaren beka eskuratzean esandakoa gogoratzea. Izan ere, Baztanen gisako ibar txiki batean halako aste bat antolatzeaz galdetuta txikitasuna aldarrikatu zuen. «Txikiak du egiaren parte handi bat. Handiak nahikoa du propaganda. Txikiak du benetako kolorea, gustua eta zaporea!». Donostiako Zinemaldiak aspaldian utzi zion txiki izateari. Zaporearena ziurrenik, akaso norbanakoaren araberakoa izango da.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Koldo Biguri, Garazi Arrula eta Massimo Carlotto —pantailan—, gaur, liburuaren aurkezpenean. ©Iñigo Uriz / Foku

Italiaren erraiak, beltzez

Ane Eslava

Koldo Bigurik euskaratu du Massimo Carlottoren 'Agur, maitea, ikusi arte' nobela, eta Txalapartarekin argitaratu. Lanak Italiako boterearen eta kriminalitatearen arteko harremana islatzen du.

Manuel Asin Ikuspuntu jaialdiko zuzendari artistikoa, Baluarteko atarian, Iruñean. ©JAGOBA MANTEROLA / FOKU

Ikertzeko balio duten distantziak

Olaia L. Garaialde

Iruñeko XVI. Ikuspuntu jaialdia martxoaren 14tik 19ra izanen da. Sail Ofizialean hamazazpi herrialdetako 21 film izango dira lehian. Lan eta Desbordamientos sail berriak ere badira

 ©BERRIA

Lukiek, eskemak nondik eta noraino apurtu

Itziar Ugarte Irizar

 

Hamar kantuko disko berria plazaratu du taldeak: '#2'. Kontraste ugariko lana ondu dute, egitura ezohikoak eta pasarte poperoagoak uztartuta. Arrasaten joko dute gaur; bihar, Tolosan

Juan Mari Aburto eta Fernando Perez, atzo, Azkuna zentroan. ©ARITZ LOIOLA / FOKU

Bost erakusketa egongo dira ikusgai aurten Bilboko Azkuna zentroan

Olatz Enzunza Mallona

Erakusketez gainera, beste 200 jarduera baino gehiago programatu dituzte, eta arte bisualak indartzea izango du ardatzetako bat zentroak

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.