Albistea entzun

Koronabirusa

Osakidetzak autodiagnostikorako test positiboez abisatzeko esteka du

Positibo emandako batekin kontaktu estua izan dutenek ere aukera izango dute osasun sistemarekin harremanetan jartzeko

Beñat Mujika Telleria -

2021eko uztailak 31

Gipuzkoako Farmazialarien Elkargoko zuzendari Miguel Angel Gastelurrutiak BERRIAri iragarri bezalaxe, Osakidetzak webgune bat abiarazi du autodiagnostikorako testetan atzemandako positiboak jakinarazteko. Elkargoak herenegun izan zuen neurri horren berri, eta Gipuzkoako botikak ohartarazi ditu. Positibo horien kontaktu estua izan dutenentzat ere balio du estekak.

Orain arte ez zegoen protokolorik indarrean, eta positibo ematen zutenek etxean gelditu beharra zeukaten, eta osasun zentrora deitu. Farmazialariek behin eta berriro eskaini dute euren burua positiboen komunikazioan laguntzeko, baina haiek «aintzat hartu gabe» aritu direla adierazi du elkargoko zuzendariak. Hala ere, oraindik ere PCR bat egin beharko da positibo horiek guztiz baieztatzeko.

Araba, Bizkai eta Gipuzkoan testok etxean egin beharko dira. Ezin dira egin farmazian bertan. Nafarroan, aldiz, farmazietan egiten diren probak farmaziak berak jakinarazten ditu.

Esteka kontaktu estuentzat

Bestalde, Osakidetzak ostiral honetan jakinarazi duenez, COVID-19an positibo eman duen norbaitekin kontaktu estua izan dutenak Internet bidez jar daitezke harremanetan Osakidetzarekin, eta ordua eska dezakete proba diagnostiko bat egiteko. Horrela, hemendik aurrera, Interneten jarritako inprimaki bat betetzeko aukera izango dute egoera horretan daudenek. Neurri horrek aztarnarien lana «erraztuko» duela esan dute, eta proba diagnostikorako sarbidea «azkarragoa» izango dela.

Inprimaki horretan datu pertsonalak eta harremanetarako datuak sartu behar dira. Horrez gain, hainbat galdera egiten dira: txertoa jarrita daukaten ala ez argitu behar da, eta kutsatutako pertsonarekin izandako azken harremanaren data eta harreman mota zehaztu. Gainera, Osakidetzak azpimarratu du kontaktu estua izan duten horiek bakartu egin beharko dutela proba diagnostikoa egin arte.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Askabide klinikaren aurkako protesta, joan den maiatzean, Donostian ©Andoni Canellada/ Fokyu

Askabide klinikatik ehun metrora ezin izango da protestarik egin, epaile batek agindu duenez

Edurne Begiristain

Abortatzera doazen emakumeak jazarri egiten dituztenen aurkako kautelazko neurriak hartu ditu Donostiako lehen instrukzio epaitegiak.

Frantziako Poliziaren kontrola  Irun eta Hendaia arteko mugan ©Bob Edme

Mugetako kontrolen luzapena eskatu dio Frantziak Bruselari, 2023ko apirila arte

Ekhi Erremundegi Beloki

Kontrolak zorroztu dituzte azken urteetan, eta Ipar eta Hego Euskal Herriaren arteko zortzi pasabide itxi zituzten 2021eko urtarrilean. Horiek irekitzeko eskatu diote erakundeetako ordezkariek Frantziako Gobernuari aste honetan.

Iñaki Arriola. ©Raul Bogajo / Foku

Arriolak normaltzat jo du AHTaren lanen amaiera 2027ra atzeratu izana

Gotzon Hermosilla

«Urrun dagoela eman dezake, baina lanen tamaina aintzat hartuta, ez da hain epe luzea»

Euskararen Egunaren harira Elgoibarren 2015ean eginiko egitasmo bat. ©BARREN.EUS

Aterki bat euskaltzaletasunari

Julen Aperribai

Euskara elkarteen baturatik sortu bazen ere, mugimendu izaera hartu zuen Euskaltzaleen Topaguneak 2012an. 25. urteurrena ospatuko du gaur Donostian, gaurko erronketan begia jarrita

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...