Albistea entzun

Iker Alegria Lertxundi. EHUko ikerlaria

«Ez nuen espero gazta koipetsuek lotura izatea ondesteko minbiziarekin»

Osakidetzaren ondesteko minbiziaren baheketan parte hartutako pazienteak aztertuta, Alegriak ondorioztatu du ez zutela elikadura «egokia», eta hori lotua dagoela hezkuntza maila apalagoa izatearekin.
RAUL BOGAJO / @FOKU Tamaina handiagoan ikusi

Igor Susaeta -

2020ko urriak 28

Ondesteko minbizia garatzeko arriskuarekin loturiko dieta eta genetika eragileak: euskal populazio baten kasu-kontrol ikerketa. Iker Alegria Lertxundik (Ondarroa, Bizkaia, 1983) izen hori jarri dio EHU Euskal Herriko Unibertsitatearen Farmazia eta Elikagaien Zientzia Sailean egin berri duen ikerketa tesiari. Hori osatzeko beka bukatuta, jaioterriko akademia batean ari da eskolak ematen. Hala ere, aztergai izan duen eremuan ikertzen segitu asmo du, eta horregatik eskatuko du doktoretza-ondoko bat egitea.

Zergatik erabaki zenuen elikaduraren eta ondesteko minbiziaren arteko harremana aztertzea?

Minbizi mota hori oso ugaria da Euskal Autonomia Erkidegoan: minbizi motarik arruntenetan aurrenekoa da. Eta ondesteko minbiziaren kasu gehienak elikadurarekin daude erlazionatuta.

Zure tesiaren ondorio nagusia zera da, «dieta desegoki batek» ondesteko minbizia edukitzeko arriskua handitzen duela.

Espero ziren, bai, halako emaitzak, haragiarekin eta haragi gorriarekin, baita zuntza duten elikagaiekin ere. Ez nuen espero, ordea, gazta koipetsuek erlazio zuzena edukitzea minbizia horrekin. Ikerketaren bidez ikusi nahi genuen hainbat elikagai talderen eta minbizi mota horren arteko balizko harremana.

Argitaratu diren azterketek diotenez, elikatzeko modu jakin batek zerikusia du, oro har, ondesteko minbizia garatzearekin. Baina iruditzen zaizu azterketa horiek «ondorio kontrajarriak» plazaratzen dituztela.

Ikerketa batzuek adierazten dute toki batzuetan ez dela ikusten harremanik minbizi mota horren eta elikaduraren artean. Esnekien eta gaztaren kasuan, esaterako, ikerlari batzuek ez dute harremanik topatzen; beste batzuek, aldiz, harreman zuzena. Haragi gorriarekin nahiko argi dago minbizia areagotu dezakeela. Dena dela, azterketa guztien emaitzak ez dira berdinak izaten zentzu horretan.

Eta zeintzuk dira horien arteko aldeak?

Hainbat aldagai hartu behar dira kontuan: ikerketarako metodologia bera, laginerako aukeratutako pertsona kopurua, herrialdeen araberako elikadura ohiturak... Horrek guztiak eragina izan dezake emaitzetan.

Haragi gorriak ospe txarra hartu du azken urteotan.

Hura jateko gomendioak betez gero, ez litzateke horrelako arriskurik egongo.

Eta zer gomendatzen da?

Haragi gorria gehienez astean bi aldiz jatea. Badaude hura ordezkatu dezaketen beste proteina iturri batzuk: arrautzak, arraina...

Zenbaiten kasuak aztertu dituzu tesian. Zer metodologia erabili duzu horretarako?

Ondesteko minbizia duten 308 pertsona hartu ditugu alde batetik, eta 309 pertsona osasuntsuri egindako kontrolak, bestetik. Osakidetzaren ondesteko minbiziaren baheketa programan parte hartu zuten, eta denek zuten kolonoskopia egina. Batzuen zein besteen elikadura ohiturak konparatu ditugu.

Tesiaren beste ondorioetako bat zera da, «dieta desegokia» lotuta dagoela hezkuntza maila apalarekin.

Parte hartu dutenei galdetu diegu haien hezkuntza mailaz, eta ea zer lan mota duten. Hezkuntza lotuta dago lan motarekin, eta hori, gero, ezagupenarekin. Orduan, horrek eragin dezake elikagai baten kontsumoa areagotzea edo murriztea. Adibidez, ikasketa maila handiagoa duena gehiago arduratzen da bere osasunaz.

Behar bezala elikatu ahal izateko, diru asko behar da?

Ondo elikatzeko ez da diru asko behar. Gure inguruan oso erraz lor daitezke elikagai ez-osasuntsuak, eta oso merkeak dira. Batzuetan, denbora faltagatik edo beste arrazoi batzuengatik dugu joera horrelakoak kontsumitzeko.

Alde genetikoa ere aztertu duzu, eta aldaera genetiko bakarra (poliformismoa) identifikatu duzu gaitza garatzeko arriskuarekin lotuta.

Hasieran, beste ikerketa batzuetako emaitzak kontuan hartuta, pentsatzen genuen lotura gehiago egongo zela faktore genetikoen artean. Baina aztertu ditugun 48 poliformismoetatik edo aldaera genetikoetatik, bakarrak esaten digu arriskutsua dela.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©ANDONI CANELLADA / FOKU

«Ahalduntze tailerretan hainbat tresna lortzen dira»

Isabel Jaurena

Ahalduntze tailerrek emakumeengan eragina dutela ondorioztatu du ikerketa batek. Aldaketa nabarmenenak osasun arloan, bikote harremanetan eta norbere autoestimuan gertatzen dira.
Zaldibarko zabortegia, artxiboko irudi batean. ©EFE

Zaldibarko amiltzearen hirugarren urteurrena hizpide, 'Kinka' podcastean

Julen Otaegi Leonet

'Zaldibar: hiru urte, hainbat zauri eta itzal ugari' atala estreinatu berri du BERRIAren 'Kinka podcastak'. Atzo bete ziren hiru urte ezbeharra jazo zenetik; orain artekoak eta geratzen direnak bildu ditu bertan.

Andrea Fernandez PSOEko Berdintasun idazkaria eta Patxi Lopez bozeramailea, atzo, Kongresuan. ©DANIEL GONZALEZ / EFE

Sexu erasoen zigorrak igo nahi ditu PSOEk bortxa edo larderia dagoen kasuetan

Maite Asensio Lozano

Sozialistek beren kabuz aurkeztu dute 'soilik baietz da baietz' legea aldatzeko proposamena Kongresuan. Zigor tarteak moldatuko dituzte, abusu delitua berreskuratu gabe

Herrian Bizi plataformako kideak, atzo, Miarritzen. ©GUILLAUME FAUVEAU

Etxebizitza eskubidearen alde mobilizatuko dira apirilaren 1ean Baionan

Ekhi Erremundegi Beloki

Herrian Bizi plataformak legean, administrazioan eta zerga sisteman eragin nahi du. 2021eko azaroan, 8.000 pertsona elkartu ziren

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.