Albistea entzun

Eskoziako Parlamentuaren galdeketarako eskumenez ebatziko dute

Ander Perez Zala -

2021eko urtarrilak 22

Eskozian 2014an egin zuten independentzia erreferenduma antolatzeko, Edinburgok Erresuma Batuaren partetik jaso zituen horretarako eskumenak, 30 Sekzioaren bitartez; legezko tresna bat da, Eskoziako Parlamentuari galdeketa antolatzeko baimena ematen diona. Egun, balizko bigarren erreferendumari begira, Nicola Sturgeon Eskoziako lehen ministroak bide bera egin nahi du, baina brexit-a gauzatu izanak eta Boris Johnson Erresuma Batuko gobernuburuaren etenik gabeko ezezkoak beste estrategia baten beharra dagoelako ustea zabaldu dute militante askoren artean. Horren harira, Martin J. Keatings ekintzaileak auzitara eraman du independentziazaleen artean eztabaidatzen ari diren aukeretako bat: Edinburgok Londresen baimenik gabe antolatu dezakeela galdeketa.

Eskoziako Saio Auzitegian atzo hasi zuten horri buruzko saioa, eta Alisa Carmichael epaileak gaur arte entzungo ditu bi aldeen argudioak. Aidan O'Neill abokatuak Keatingsen tesia defendatu zuen, argudiatuz parlamentuak Eskoziako herritarren partetik jasotzen duela zilegitasuna, ez Westminstertik.

Are: O'Neillen iritziz, kasu horretatik aterako den ebazpenak ez du Eskoziako Parlamentua bide bat hartzera behartuko, «soilik adieraziko baitio» legeak zer dioen: «Ez badugu jakiten zer dioen legeak, ezingo dugu aukeratu zer alderdiren alde egingo dugun [maiatzeko hauteskundeetan]».

Gorenera jotzeko prest

Keatingsek dirua biltzeko bi kanpaina abiatu zituen epaiketaren gastuak finantzatzeko, eta, orotara, ia 260.000 euro bildu ditu. Epaileak ezezkoa emango balu, ekintzaileak jada ohartarazia du Erresuma Batuko Auzitegi Gorenera joko duela; aldiz, baiezkoak irabaziko balu, nabarmen erraztuko lioke Sturgeoni.

Epaileak ez du zehaztu noiz jakinaraziko duen ebazpena, baina zehaztu du nahiago duela «egun batzuetan erabaki aste batzuetan baino».

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Emakume bat garraisika, Beiruten egindako manifestazio batean. ©LUJAIN JO

Isiltasunaren aurka borrokan

Joan Cabases Vega

Kuwaiten eta Libanon, gizarte zibilak ekinaldiak abiatu ditu indarkeria matxista desagerrarazi eta emakumeak baztertzen dituzten legeak indargabetzeko
Irango Atzerri ministro Mohammad Javad Zarif. ©ERRUSIAKO ATZERRI MINISTERIOA / EFE

Iranek eten egingo ditu EBrekin dituen harreman diplomatikoak

Iosu Alberdi

Bruselak beste urtebetez luzatu ditu Teherango agintari militar eta politikoen aurkako zigor ekonomikoak. Tel Avivek fiskaltzari eskatu dio igandeko erasoaren inguruko filtrazioak ikertzeko
Helena Maleno, Caminando Fronteras taldeko bozeramailea, artxiboko argazki batean. ©ANGEL MEDINA G. / EFE

Marokoko Poliziak Espainiaratu egin du Helena Maleno ekintzailea

Arantxa Elizegi Egilegor

Caminando Fronteras taldeak salatu du inolako azalpenik eman gabe kanporatu dutela Maleno. Rabatekin elkarlanean aritzea egotzi diote Espainiako Poliziari

Guillermo Lassoren jarraitzaileak hauteskundeen bigarren itzulian lortutako garaipena ospatzen, igandean, Quiton. ©SANTIAGO FERNANDEZ / EFE

Eskuina correismoari gailendu zaio Ekuadorren, boto baliogabeez baliatuta

Julen Aperribai

Guillermo Lasso kontserbadorea izango da presidente, Andres Arauz UNESeko hautagaiari gailenduta. Baliogabe bozkatzeko deia egin zuen mugimendu indigenak, eta mesede egin dio horrek eskuineko hautagaiari

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna