Healyrentzat etapa, eta Roglicek lehen abisua Evenepoeli

Erakustaldia emanda nagusitu zen atzo Ben Healy (Education) Italiako Giroko zortzigarren etapan. Eguneko ihesaldian sartu zen lehenengo, eta 50 kilometro falta zirenean bakar-bakarrik egin zuen aurrera. Erlojuaren aurka egin zuen tarte hori, eta ez zuen inork harrapatu. Faboritoen artean, Primoz Roglicek (Jumbo-Visma) piztu zuen sua. Esloveniarrak azken mendatean jo zuen erasoa, eta Remco Evenepoelek (Quick-Step) ezin izan zion erritmo horretan jarraitu. Roglicengandik hamabost segundora sartu zen, azkenean, Evenepoel. Hala ere, Andreas Leknessundek (DSM) sufritzen jakin zuen lider jarraitzeko. Zortzi segundora dauka orain Evenepoel, eta 38ra Roglic.