Albistea entzun
Emakumeen aurkako indarkeriari ez
Emakumeen aurkako indarkeriari ez

Sarrionandia intimitatean

Igande eguerdian emanaldi berezia izanen da festibalean, Joseba Sarrionandiarekin. Amaiur Epherrek eta Mirentxu Lazkanok haren kantuak abestu dituzte, eta idazleak azalpenak emanen ditu.

Joanes Etxebarria -

2022ko ekainak 30 - Ipar Euskal Herriko Hitza

Joseba Sarrionandia idazlea Ipar Euskal Herrira ekartzeko hainbat ahaleginen segidan, azkenean, EHZ festibalerako espresuki muntatu proiektu bat heldu zen bururaino. Amaiur Epherre eta Mirentxu Lazkano musikariek idazle bizkaitarraren kantuak eman, eta Sarrionandiak berak kantuen inguruko azalpen batzuk emanen ditu, baita ikusleen galderei ihardetsiko ere, giro intimista batean. Igande eguerdian izanen da, 70 lagunen lekutara mugatua, eta erreserbak egunean berean eginen dira EHZn.

Prestatzeko denbora ez zenez hain luzea, musikariek jadanik ezagunak diren bertsioak emanen dituzte, akustikoan, gitarra eta eskusoinuarekin. Epherrek eta Lazkanok Gure Oroitzapenak poema musikatuen konpilaziotik hautaketa bat egin, eta Sarrionandiak zortzi kantuko bizkarrezur bat osatu du EHZko publikoarekin partekatzeko.

Amaiur Epherrek dioenez, lehen kantu selekziotik dibertsitatea xerkatu dute: «Zinez artista desberdinek interpretatu dituzte Josebaren kantuak; kasu egin dugu gaien aldetik aski anitza izatea. Gaiei kasu egin diegu, baina musikari ere bai, jakinez bi garela bakarrik». Kantu batzuek ez dute halako proposamen batentzat balio, Sarrionandiaren ustez. «Kantu batzuei buruz zeresan askorik ez dago, gaiaren arabera. Beste batzuetan hitz egiteko moduko gaia planteatzen da; gai eztabaidagarria, edo abestiaz aparte elkarrizketarako motiboa ematen duena».

Bere olerkietatik egin izan diren kantuez galdeturik, Sarrionandiak bereizketa argia ikusten du batzuen eta besteen artean: «Ruperrek [Ordorika] badu kantu bat, Ibaia, nire herriko ibaiari buruzkoa; Ruper abesten entzuten dudanean gustatzen zait. Beste kasu batzuetan, Mikel Laboak adibidez hartu zuen testu txar bat edo testu sinple bat, Hegazti errariena, eta berak bihurtzen du abesti eder bat letra oso sinplea. Letra ez da ezer, eta abestia oso ona da».

Trukerako momentua

Musikariek han berean deskubrituko dituzte idazlearen azalpenak, distantziatik egin delako elkarlana. Kantuak prest dituzte. Sarrionandia, berriz, «zertara doan jakin gabe» joanen da Irisarrira. Kantu bakoitzaren inguruko esplikazioaz aparte, ikusleekin elkarrizketa bat sortzea «litzateke interesgarriena» harentzat. Euskal kultura «txiki honetan», haren iritziz, «elkarlana» da interesgarria.

Kantu batzuk, bistan dena, saihetsezinak ziren; horietan, Ruper Ordorikaren Martin Larralde. Epherrek ezagutzen ez zituen kantuen berri ukateko parada izan da bilaketa fasea: «Iker Goenagak interpretatzen duen Sorlekuaren kanta gure inguruan entzunarazi dugu, eta funtzionatzen du. Aurkikuntza batzuk ere izan dira», erran du Epherrek.

Gehienak Sarrionandiaren poema musikatuak dira: «Kanturik ez dut egin hainbeste; normalean poesia idatzi nuen, eta poesiak hartu zituzten kantu bihurtzeko», zehaztu du idazleak. Gose taldearentzat, preseski, kantuak idatzi zituen, eta Ines Osinagarekin batean aurkezten ditu ezker-eskuin. Lan horretatik, Alegrantziaren Aldeko Konjura emanen dute EHZn, Irisarriko saioan.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

 ©Bertsozale Elkartea

Nerea Ibarzabal irabazle Baionan

Olatz Enzunza Mallona

671,5 puntu lortu ditu Ibarzabalek, eta bigarren egin du Sustrai Colinak, 668 puntu eskuratuta. Ondotik geratu dira, hurrenez hurren, Beñat Gaztelumendi, Julio Soto, Unai Agirre eta Eñaut Martikorena.

<b>Amurrioko saioa.</b> Joan den larunbateko saioa, Amurrioko Bañueta kiroldegian. ©GARI GARAIALDE

Iristen aurren, eta joaten azken

Miren Mujika Telleria

Baionan jokatuko da gaur Bertsolari Txapelketa Nagusiko bigarren itzuliko bigarren saioa. Ohi bezala, 17:00etan hasiko da. Aulki, soinu eta foku; pronto izango dira den-denak ordurako. Bertsozale Elkarteko ekoizpen taldeak du horren ardura. Zein da, baina, horren atzean dagoen inurri lana?
Indar Trabesen lehen kontzertua fikzioan irudikatzen, herenegun, Mutrikuko Venezia diskotekan. ©JON URBE / FOKU

Itoiz taldearen lehen printzak

Jone Bastida Alzuru

Doxa ekoiztetxea eta Larraitz Zuazo zuzendaria Itoiz taldeari buruzko pelikula bat prestatzen ari dira, dokumentalaren eta fikzioaren artean mugitzen dena. Mutrikun izan dira filmatzen.

Ekoetxea Urdaibaik hizkuntza indigenen erakusketa bat jarri du ikusgai. ©Monika del Valle / Foku

Hizkuntza jasangarriak

Amaia Igartua Aristondo - Bizkaiko Hitza

Busturiko Urdaibaiko Ekoetxeak erakusketa batean bildu ditu 11 hizkuntzatan emandako testu batzuk eta haien euskarazko itzulpenak: 'Hizkuntza indigenak, Ama Lurra zaintzen'. Abenduaren 18ra bitartean bisitatu ahalko da.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.