Albistea entzun

Soldatetatik haragoko auzia

ETAren «mehatxuagatik» ertzainei ordaintzen zitzaien aparteko lansaria kendu zuten 2012an. Ertzainek diote egun Espainiako Segurtasun Indarrek baino gutxiago kobratzen dutela.

Edurne Begiristain -

2019ko irailak 13

Espainiako Poliziaren eta Guardia Zibilaren lan baldintzetan ez bezala, ETAren amaierak aldaketak ekarri zituen beste polizia batzuen egoeretan. Horietako bat izan da Ertzaintza. Duela zazpi urte inguru, Jaurlaritzaren Ortzimuga plan estrategikoak sakonki aldatu zuen Ertzaintzaren barne antolaketa. Dibisioak gutxitu egin ziren, eta berriak sortu. Hala, ordura arte ETAri aurre egiteko Informazio eta Terrorismoaren Aurkako Borrokarako dibisioan aritutako 178 ertzainak Inteligentzia Unitatera igaro ziren. Ertzain askoren lan baldintzak aldatu egin ziren ordutik, eta, besteak beste, jasotzeari utzi zioten «terrorismoaren mehatxuagatik» kobratzen zuten lansari gehigarria, Eusko Jaurlaritzako Segurtasun sailak BERRIAri baieztatu dionez. Informazio eta Terrorismoaren aurkako dibisioan eta Hiri Segurtasunean jardun ziren bostehun ertzain inguruk utzi zioten diru hori jasotzeari.

Soldata gehigarri hori 11 urte inguru egon zen indarrean. ETAk 2001ean Ana Isabel Arostegi eta Francisco Javier Mijangos ertzainak Beasainen (Gipuzkoa) hil ostean hasi zen Jaurlaritza aparteko diru hori ordaintzen hainbat ertzaini. Azken ordainketak 2012an egin zituen. Urte hartan, Jaurlaritzak 200.000 euro inguru gastatu zituen horretan.

Berez, lansari hori ez zen ezarri ertzainek Araban, Bizkaian eta Gipuzkoan lan egiteagatik zuten arriskuagatik. «ETAren aurkako borrokan ardura zutenek eguneroko lanean izaten zituzten ezohiko gastuak konpentsatzeko modu bat izan zen», azaldu dio kazeta honi Roberto Seijo Erne sindikatuko bozeramaileak. Hilero 100 euro ingurukoa zen aparteko lansaria, eta, ETAk jarduera armatua amaitu zuenean, kentzea erabaki zuen Segurtasun sailak.

Hego Euskal Herrian dauden Espainiako poliziek eta guardia zibilek, batez beste, 600 euro inguru kobratzen dute arrisku plusetan, ertzainek garai batean jasotzen zuten baino dezente gehiago. Alde horretatik, Seijok uste du Ertzaintza «gutxietsita» egon dela.

Gezurtatu dute

Estatuko segurtasun indarren aspaldiko aldarrikapena da soldatak ertzainek eta mossoek dutenarekin parekatzea. Arrisku plusaren inguruko polemika, hain justu, soldaten inguruko eztabaidarekin batera piztu da, baina Ertzaintzaren sindikatu gehienek bi gaiak argitu nahi dituzte. Euskal Herrian dauden poliziek eta guardia zibilek Ertzaintzak baino gehiago kobratzen dutela gezurtatu dute. ELA Ertzaintzak, esaterako, kezka adierazi du mezu hori zabaltzen ari delako. «Ertzaintza da EAEn lan egiten duten polizietan soldata eta lan baldintza kaskarrenak dituen polizia», esan du sindikatuak.

Ideia bera azpimarratu du Erne-ko bozeramaileak ere. «Inguruko polizien artean, Ertzaintza da soldata kaskarrena duena. Euskadin dauden poliziek eta guardia zibilek guk baino gehiago kobratzen dute, besteak beste, arrisku plusa dutelako». Hala ere, Ernekoari ez litzaioke ongi irudituko Espainiako poliziei arrisku plusa kentzea: «Eskuratutako eskubide bat da, eta guri komeni zaigu egotea, haien soldatekin parekatzeko eskatzeko».

Arriskua pribilegio bihurtuta

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Sare Herritarrak antolatutako manifestazioa, Bilbon. ©Jaizki Fontaneda / Foku

Baldintzapean aske geratu da Jesus Mari Gomez euskal presoa

Iosu Alberdi

Gomezek 22 urte eta erdi egin ditu espetxean. 2021eko irailetik hirugarren graduan zegoen.

'Mozal legearen' aurkako protesta bat Gasteizen, iazko otsailean. ©Jaizki Fontaneda / Foku

'Mozal legea' aldatzeko txostenak aurrera egin du, ERCk bide emanda

Jon O. Urain

Espainiako Kongresuko Barne Batzordean eztabaidatuko dute gaiaz, baina orain arteko testuak aurrera egin du desadostasunak dauden lau puntuetan ados jarri gabe.

Ikasle Abertzaleen agerraldia, atzo, Gasteizen. ©BERRIA

IAk salatu du 34 ikasleri espedientea irekiko dietela

Berria

Manifestazio bat egingo dute otsailaren 16an Gasteizen, besteak beste, EHUn «kontrol soziala amaitu» dadin

<em>Mozal legearen</em> aurkako protesta bat, iazko otsailean. ©ELOY ALONSO / EFE

'Mozal legearen' erreforma ahalbidetzeko eskatu die PSOEk EH Bilduri eta ERCri

Xabier Martin - Jon O. Urain

Gaur batzartuko da Herritarren Segurtasunerako Espainiako Legea aldatzeko lantaldea. EH Bilduk ez du onartuko erreforma «light» bat

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.