Albistea entzun

Jazarpen matxista ikertu bitarte, France Bleu-ko sei langile baztertu dituzte

Amaia Cazenave kirol kazetari baionarrak dokumental batean salatua du jazarpena jasan duela, eta Radio Francek barne inkesta irekia du
Indarkeria matxista salatzeko Me Too mugimenduko afixa bat.
Indarkeria matxista salatzeko Me Too mugimenduko afixa bat. C.PETIT TESSON / EFE Tamaina handiagoan ikusi

Oihana Teyseyre Koskarat -

2021eko irailak 22

Je ne suis pas une salope, je suis une journaliste dokumentala (Ez naiz urdanga bat, kazetaria naiz) martxoan estreinatu zuen Marie Portolano gidoilari eta kazetariak. Kirol kazetari emakumezkoek jasaten duten indarkeria matxistak salatu dituzte bertan hainbat kazetarik, tartean Amaia Cazenave. France Bleu irrati publikoko sarean lan egin du; besteak beste, Baionako delegazioan. Filmaren ondotik, hainbat hedabidek barne inkestak eramanen zituztela hitzeman zuten. Bada, Radio France taldeak —France Bleu irratien sarea barnean du— Baionako delegazioko sei langile gizonezko baztertu ditu lanetik: bost kazetari eta animatzaile bat.

Sud Ouest egunkariaren arabera, iragan ostiralean Radio France taldeko zuzendaritza Baionako delegaziora joan zen, eta sei langileei jakinarazi zien berehala utzi behar zutela beren lanpostua. Oraingoz, inkesta egiten ari dira; behin-behineko erabakia da, beraz, eta ez dakite zehazki zer egozten zaien: Parisko egoitzara deituak izanen dira ondoko egunetan. Cazenavek dokumentalean azaldu zuen hainbat komentario eta jarrera matxista jasan ondotik «guztiak notatzeko ohitura hartu» zuela. Bizipen batzuk ere kontatu zituen.

Dokumentala hedatu ondotik, Sibyle Veil Radio Franceko zuzendariak barne inkesta bat eramanen zuela hitzeman zuen: 2021eko martxoan abiatu zuten.

Radio Franceko komunikazio zerbitzuak informaziorik ez du zabaldu oraindik, baina Sud Ouest-ek zabaldu duenez, beste sei kazetari ere ikerketapean daude, Frantziako egoitza batzuetan.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Elhadji Ndiaye omentzeko ekitaldia, Iruñeko Arrotxapea auzoan, iaz. ©JESUS DIGES / EFE

ESPALOIAN ITOTAKO BIZITZA

Ion Orzaiz

Duela bost urte, 2016ko urriaren 25ean, Elhadji Ndiaye senegaldarra zendu zen, Espainiako Poliziaren zaintzapean, Iruñean. Atxiloketa bortitz baten ostean konfirmatu zuten hila zela. Poliziaren jokabide arrazisten ondorio dela uste dute Ndiayeren lagunek eta gobernuz kanpoko erakundeek.
Egonkorrak bilakatu dira Ipar eta Hego Euskal Herriaren artean Frantziako indar armatuek egiten dituzten kontrolak. ©BOB EDME

Sistemaren belauna lepoan

Oihana Teyseyre Koskarat - Jone Arruabarrena - Ion Orzaiz -Javi West Larrañaga

Migratzaileen aurkako jazarpena fenomeno orokortua da Euskal Herrian. Adituek eta gobernuz kanpoko erakundeek salatu dute Poliziak «sistematikoki» erabiltzen duela bortxa pertsona arrazializatuen aurka.
 ©BERRIA

«Polizia, nahitaez, giltzarri da gizarte arrazista iraunarazteko»

Maite Asensio Lozano

Segurtasunaren zein mehatxuen inguruan zabaltzen diren ideiak «eraikuntza politikotzat» dauzka Douhaibik; horrekin lotu ditu kolektibo arrazializatuen aurkako kriminalizazioa eta jazarpen poliziala.
 ©BERRIA

«Behartu nahi gaituzte Poliziaren aurrean behera begiratzera»

Ion Orzaiz

Modou Faye, 'Beltxa'. Senegal atzean utzita, Iruñera iritsi zen duela urte asko. Paperak ditu orain, Africa United elkarteko burua da, baina horrek ez du Poliziaren jazarpenetik libratu.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.