Albistea entzun

HIZPIDEAK

Euskara pandemian

Oihana Elduaien Uranga -

2021eko martxoak 24

Gauza jakina da ez dagoela pandemiak eragin ez dion ezer. Orokorrean denak egin du gaixotzera, izan COVID-19a harrapatu duelako, edo izan haren albo kalteek gogorrago edo arinago astindu dutelako. Esate baterako, euskarak, arnasguneak ez ezik, dirugune eta indargune garrantzitsuak ere galdu ditu. Iaz ez ziren egin ikastolen aldeko jaiak, eta egunotan lasterka ibili behar zuten herritarrek, herriz herri, lekukoa eskuz esku pasatzen, 2021eko Korrikan. Bestalde, atzo egin zuen oharra Euskara Geroan elkarteak: Ipar Euskal Herriko eskola elebidunak oren parekotasunetik «urrun» dira.

Ezin zen bestela izan, eta pertsonen osasuna lehenetsi da pandemian. Baina ez da hura bakarrik pattaldu. Dena suspertzeko, gogotik egin beharko da lan. Instituzioek ardura eta giltza dute, baina, orain arte bezala, euskarak ezinbesteko aliatu izango ditu bere sustengu nagusi izan dituen herrigintza eta auzolana ere. Aukerak badira: urriaren 3an Beasain, Ordizia eta Lazkao artean egingo dituzte Kilometroak, «egoerara egokituta», eta, bi Herri Urratsen galera berdintze aldera, diru biltze kanpaina abiatu du Seaskak, kolegio berria helburu.

Lehenaz gain jendea are gehiago bakartu duen pandemia honek ez ahal du atzerako eraginik gabeko kalterik ekarriko berezkoak eta beharrezkoak diren egiteko moduetan!

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.