Bangladeshen jihadistek gatibu hartutako hogei lagun hil dituzte

Biktima gehienak atzerritarrak dira. Azken urteetan herrialdean izandako erasorik odoltsuena da

Adrian Garcia -

2016ko uztailak 3

Hamabi orduko setioaren ostean, Bangladeshko segurtasun indarrek ezin izan dute sarraskia eragotzi. Islamistek gogor jo dute Dhaka hiriburuko auzo diplomatikoa, herenegun gauean zazpi jihadistaz osatutako talde armatu batek jatetxe batean gatibuak hartuta. Atzo goizean, Polizia indarrez sartu zen eraikinean, eta erasotzaileek hogei gatibu hil zituzten labanaz. Hildako gehienak atzerritarrak dira; bederatzi italiar daude, Italiako Atzerri Ministerioak baieztatu duenez. Japoniako Gobernuak jakinarazi du hildakoen artean zazpi japoniar daudela. Tartean indiar bat ere badago, Indiako Gobernuak esan duenez. Armadak oraindik ez du esan nor diren biktima guztiak.

Polizia iturriek albiste agentziei esan dietenaren arabera, pistolaz, matxetez eta erriflez armatutako talde bat sartu da Holey jatetxean; ezaguna da atzerritarren eta goi klasekoen artean. Ez dago argi nork egin duen atentatua; Estatu Islamikoak bere gain hartu du erasoa, baina baita Al-Qaedaren Indiako kontinenteko adarrak ere.

Armadako ehun bat soldaduk eta tankeek segituan hartu dituzte posizioak auzoan. Hamabi orduko itxaronaldi urduriaren ostean, eguneko argi izpiekin batera sartu dira segurtasun indarreko komandoak eraikinean. Hamahiru gatibu onik atera dira, beren kabuz ihes eginda edo Poliziaren operazioa baliatuta. Bangladeshko, Sri Lankako, Italiako eta Japoniako herritarrak dira. Aske utzi duten gatibu baten bertsioaren arabera, Korana errezitatzen ez zekiten atzerritarrak labana sartuta hil dituzte jihadistek komandoak sartzean.

Armadako bozeramaileak esan du gorpuak garbitu artean ezingo dituztela identifikatu. Bangladeshko lehen ministro Sheik Hasinak jakinarazi duenez, erasotzaileetako sei hil dituzte soldaduek, eta atxilo eraman dute bestea. Bestalde, bi dira hildako segurtasun indarretako kideak; jihadisten erasoaren lehenengo tiroketetan hil dira. Horrez gainera, 26 pertsona zauritu dira, gehienak poliziak.

Eraso sektarioak

Azken urtean, muturreko talde islamistek atentatu kanpaina egin dute Bangladeshen, baina asteburu honetakoa da guztien artean odoltsuena. Aurreko eraso sektario gehienak matxeteekin egin dituzte; azken hiru urteetan 40 pertsona hil dituzte, gehienak gutxiengo erlijioetako sinestunak, sunitak ez diren islamaren beste adarretako kideak, LGTBI mugimenduko ekintzaileak, pentsalari laikoak eta atzerritarrak. Segurtasun indarrek ere jihadisten aurkako operazio ugari egin dituzte. Nolanahi ere, agintariek diote ez dagoela loturarik nazioarteko jihadista sareen eta herrialdeko islamista taldeen artean. Maiatzaren 11n buruzagi islamista bat exekutatu zuen gobernuak, 1971ko independentzia gerran genozidioa egitea leporatuta. 160 milioi biztanle bizi dira Bangladeshen, eta gehienak musulmanak dira.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Erizain bat, gazte bati txertoa ematen, Brasilen. Umeak txertatzeko ohiko kanpainetan jaitsiera nabaritzen hasi dira aurten ©FERNANDO BIZERRA JR / EFE

COVID-19aren uste ustelak

Mikel P. Ansa

COVID-19aren pandemia ukatzen duten joera batzuek indarra hartu dute uda honetan. Haiek zabaldutako uste batzuk zeinen okerrak diren azaldu dute Miren Basaras eta Guillermo Quindos mikrobiologoek artikulu sorta honetan.

PCR proba bat, Indian. Bigarren herrialde kaltetuena da hura. ©SANJEEV GUPTA / EFE

Milioi bat lagun baino gehiago hil ditu COVID-19ak

Iosu Alberdi

AEBetan erregistratu dute kasu eta heriotza gehien. Euskal Herriak munduko heriotza tasa handienetako bat du: 77 heriotza 100.000 biztanleko.

Konfinamendua ezarri zuten Azkoienen. ©Idoia Zabaleta / Foku

Hegoaldeko kasuen erdiak baino gehiago, Nafarroan

Uxue Rey Gorraiz

Beste 603 positibo zenbatu dituzte Hego Euskal Herrian; Nafarroan atzeman dituzte horietatik 318. Halaber, bi pertsona zendu dira birusaren ondorioz.

Maria Txibite, agerraldi batean. ©Jesus Diges / Efe

Txibitek esan du egoera «kontrolatuta» dagoela Nafarroan

Arantxa Iraola

Positibo «asko» izan arren konfinamendu orokorrik ezartzeko asmorik ez dutela adierazi du

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna