Albistea entzun

BESTE EREDU BATZUK

Berria -

2019ko martxoak 10

Ez Espainian ez Europan ez dago zuzeneko ikuskizunak arautzen dituen inolako araudi edo lege bateraturik. Horregatik, tokian-tokian, errealitate ezberdinak aurki daitezke. Hala, posible da estatu bateko eskualde bereko bi udalerritan araudia ezberdin aplikatzea, edo bi hiritan araudi ezberdinak izatea.

Galizia

Zailtasunak. 2018ko uztailaren 2an jarri zen indarrean Galiziako Ikuskizunen Lege berria. PPk, parlamentuan gehiengoa izaki, bere kontu onartu zuen legea, inorekin adostu gabe. Kasu honetan ere, lizentziarik ez duten aretoek jasan dituzte gehien legearen eraginak. Araudiak ez dio ezin dituztela ikuskizunak antolatu, baina horiek egiteko baldintza zorrotzak ezarri ditu. Hala, baimena jaso ahal izateko baldintzetako asko ezin dituzte bete aretoek. Hainbat udalek, hala nola Santiago de Compostelakoak eta Pontevedrakoak, legea aztertu dute, beste era batera aplikatu eta aretoek emankizunak antolatzea errazteko. Horrez gain, lege ekinbideak ere abiatu dituzte, araudia aldatzeko. «PPk nahi duena egin du», azaldu du Manuel Alonsok, Musicos Ao Vivo musikarien elkarteko kideak. «Santiagon, esaterako, alde zaharreko aretoek ezin zituzten kontzertuak egin, baldintzak ezin zituztelako bete».

Herrialde Katalanak

Bartzelona. Kataluniako hiriburuaren kasuan, udalak kultura indartzea hartu du ardatz. 1996an sortu zuen Kulturaren Institutua Bartzelonako Udalak. Hark bultzatu du Culturas Vivas programa. Kultur espazioak sustatzeko proiektuen ikerketa eta garapena du xede programak, eta Kulturaren Institutuak, udalak nahiz eragile eta proiektu sozialek eta kulturalek hartzen dute parte. Kulturarekin lotutako arloei buruz eztabaidatu, eta legeak prestatu dituzte. Esaterako, martxan dute Musica al carrer de Barcelona proiektua. Udala musikariekin eta hainbat eragilerekin batu da kaleko musikarien egoera erregulatzeko. Eremu hori bultzatuko duen kultur programa bat sortu nahi dute. Horrez gain, kultur gaiez hitz egiteko jardunaldiak antolatzen dituzte. Azkeneko aldian, musikarien soldaten auzia landu zuten.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Durangoko Azokako eta BBK erakundeko ordezkariak gaur, Bilbon ©Aritz Loiola/ Foku

Sortzaileentzako lau eguneko topagune profesionala antolatu du Durangoko Azokak

Iñigo Astiz

Musikariak ez ezik, bestelako sortzaileak ere bide profesionalean laguntzeko helburuz egingo dute DA! Pro abenduaren 1etik 4ra bitarte

Nogen taldeak jaialdian parte hartuko du. ©Gorka Rubio / Foku

S.A., Nogen, Skakeitan, Tremenda Jauria eta Rodeo, Hatortxu Rocken

Berria

Hamazazpi artista ariko dira guztira abenduaren 18an Atarrabian euskal presoen alde egingo den jaialdian.

Altsasuko minak taularatzea

Altsasuko minak taularatzea

Iñigo Astiz

Maria Goirizelaiak idatzi eta zuzendu du 'Altsasu' antzezlana, eta bihar estreinatuko dute, Bilboko Arriaga antzokian. Ahozko epaiketako transkripzioak izan ditu pieza sortzeko abiapuntu nagusi.

Edorta Jimenezen liburuak Nikole Atxikallenderen eta Sabino Aranaren argazkia du azalean. ©MAIALEN ANDRES / FOKU

Edorta Jimenezek 'Nikole bijotzekua' ikerketa idatzi du

Gorka Arrese

Edorta Jimenezek 'Nikole bijotzekua' ikerketa idatzi du. Nikolasa Atxikallenderen biografia osatzeaz batera, Sabino Aranaren bestelako ikuspegi bat dakar. Elkar etxeak argitaratu du liburua

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.