Noiz sortua: 2019-07-21 00:30:00

11/13 auziak haurrei kalte egin liezaiekeela ohar egin dute

Auzipetutako 47 kideek 38 adin txikiko dituzte beren kargu. Epaiketak «estresa, antsietatea eta depresioa» sor liezazkieke umeei
Auzipetuak eta zenbait hezkuntza aditu, atzo, Donostian.
Auzipetuak eta zenbait hezkuntza aditu, atzo, Donostian. ANDONI CANELLADA / FOKU Tamaina handiagoan ikusi

Maider Galardi F. Agirre -

2019ko uztailak 21

Estresa, antsietatea eta depresioa. Psikologiako eta pedagogiako aditu talde batek txosten batean ohartarazi du 11/13 makroepaiketak hiru eragin horiek izan litzakeela auzipetutakoen seme-alabengan. Irailaren 16an abiatuko da Herrira, Jaiki Hadi eta Etxerateko eta euskal presoen abokatu eta bitartekarien aurkako epaiketa, Espainiako Auzitegi Nazionalean. 47 auzipetu daude, eta horien kargu daude adin txikiko 38 haur eta nerabe. Aniztasun funtzionala dute horietatik bik.

Amaia Vazquez psikologoak eman zuen txostenaren berri, atzo Donostian eginiko agerraldi batean. Adituen arabera, haurrek ondorio psikologikoak izan ditzakete, gurasoak espetxean sartzean ez ezik, baita epaiketan ere.

«Iraganeko sufrikarioak etorkizun hurbil batean gainditzeko lanean genbiltzan», azaldu du Ion Mintegiaga auzipetuak. Guztira 601 urteko espetxe zigorra eskatu du fiskalak haientzat, eta azpimarratu dute epaiketaren ostean 38 haur eta nerabek arriskua dutela gurasoetako bat espetxean izateko. Mintegiagak aitortu du aurretik ere «buruhaustea» dela: «Gure seme-alaben gaineko kudeaketa buruko min handiena bihurtu da. Zer esan, noiz esan, nola esan...»

Zortzi psikologo eta psikoterapeutak osatutako talde batek ondu du auziak haurrei egin liezaiekeen kalteari buruzko txostena, eta hezkuntza eta psikologia arloko hirurehun profesionaletik gorak babestu dute. Adituen arabera, epaiketak «eragin emozionala» izango du haurrengan.

Ondorioak hiru fasetan

Auzipetu eta psikologoek ohartarazi dute gurasoak espetxean edukitzeak kalte psikologikoak dituela, baina gogorarazi dute auzibideak iraun bitartean ere kalteak izan ditzaketela. Vazquez psikologoak azaldu du hiru epetan ager daitezkeela ondoezak: epaiketaren aurretik, epaiketak iraun bitartean eta gurasoak espetxera sartuz gero.

«Epaiketaren aurretik, helduen estresak ezinegona eta antsietatea sortzen dizkie haurrei. Epaiketa bitartean, aurreko sintomak sakondu egiten dira, eta espetxeratze posibleak depresioa eta abaildura ekar diezazkieke haur horiei», zehaztu du Vazquezek. Gainera, salatu du epaiketak ez duela zentzurik: «Gurasoek ez dute espetxera joan behar, eta haur horiek ez dute espetxe politikaren gurpilean sartu behar».

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Maiatzaren 29an eguneratua, 19:00etan. ©BERRIA

Koronabirusaren azken datuak

Berria

Azkeneko 24 orduetan lau pertsona hil dira COVID-19 gaitzaren eraginez, 22 positibo atzeman dituzte PCR probekin, eta bi gaixo ospitaleratu dituzte. Euskal Herrian 29.107 gaixok eman dute positibo guztira, koronabirusa atzemateko probaren bat eginda. Horietatik 2.056 hil dira. Grafikoak, albiste barruan.

Iñigo Urkullu eta Nekane Murga, goizeko bileran. ©/ Irekia

Ekainaren 8an hirugarren fasera igarotzeko eskatuko du bihar Jaurlaritzak

Jon O. Urain

Nafarroako Gobernuak «oso balorazio positiboa» egin du erkidegoek konfinamendua leuntzeko hirugarren fasea kudeatzeko aukeraz.

Aitor Esteban eta Salvador Illa, Kongresuan. / ©Ballesteros, EFE

Erkidegoek kudeatuko dute hirugarren fasea

Jon Ordoñez Garmendia

Alarma egoera luzatzeko akordioa egin dute Espainiako Gobernuak eta EAJk, eta horren truke Urkulluk eta Txibitek hartu, kendu, moldatu eta ezarriko dituzte alarma egoeratik ateratzeko neurriak hirugarren fasean Hego Euskal Herrian. ERCrekin ere egin du akordioa Madrilek. Jaurlaritzak bihar eskatuko du ekainaren 8an hirugarren fasean sartzea.

 ©BERRIA

Kulturgintza: eutsi ala hautsi

Iñigo Astiz

Koronabirusaren hedapenak ziurgabetasun handia eragin du aurrez ere prekaritateak gogor jotako sektore batean: kulturgintzan. Sorkuntza ere krisi honi aurre egiteko moduan dagoen jakiteko, lau sortzaile elkarteren zuzendaritzako kideak bildu ditu BERRIAk: Eneritz Artetxe (Ehaze), Garbiñe Ubeda (Euskal Idazleen Elkartea), Aitor Bengoetxea (Musika Bulegoa) eta Igor Elortza (Euskal Herriko Bertsozale Elkartea).

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna