Noiz sortua: 2020-03-26 00:30:00

'Egunean behin'-en zazpi final jokatuko dira datorren astean

Egun bakoitzeko 50 onenak eta beste ehun gonbidatu lehian arituko dira arratsaldero Youtuben
Egunean Behin euskarazko jokoak 80.000 erabiltzaile inguru ditu.
Egunean Behin euskarazko jokoak 80.000 erabiltzaile inguru ditu. BERRIA Tamaina handiagoan ikusi

Urtzi Urkizu -

2020ko martxoak 26
Otsaileko lehen astean hasi zen Egunean Behin jokoaren hirugarren denboraldia, eta berez igandean zen amaitzekoa. Baina datorren astera luzatuko dute, eta «esperimentu berezi bat» prestatzen ari direla iragarri du Luistxo Fernandez Codesyntaxeko sortzaile eta lantaldeko kideak: Egunean BER bi. Lehia berezi bat izango da arratsaldero, egun bakoitzean final berezi bat.

Fernandezek asteko lehiaketaren dinamika zertan izango den azaldu du: «Egunero, lehiakide guztiek partida bat jokatuko dute, ohiko moduan. Eguneko sailkapena aintzat hartuta, adibidez asteleheneko 50 onenak, eta zozketaz gonbidatuko diren beste 100 lehiakide inguru, astearteko finalean arituko dira jokoan». Jakinarazpen bat bidaliko diete goizean finalean arituko direnei. Final hori zuzeneko telebista saio moduko bat izango da, aurkezle batekin, eta zuzenean Youtuben emango dute, 19:00etan —errealizazioa Hiru Damatxok egingo du—. Formula bera errepikatuko dute hurrengo egunetan; hau da, astearteko 50 onenak eta beste gonbidatuak asteazkeneko finalean arituko dira. Horrela, igandera arte. Egunotan jakinaraziko dute aurkezlea nor den.

Formulak funtzionatzen baldin badu, denboraldiko finala ere Youtubetik emango dute. Hori Aste Santu partean izango da. Fernandezek azaldu duenez, datorren asteko sariak «sinbolikoak» izango dira. Aldiz, denboraldiko finaleko sariak «handiagoak» izango dira, babesle bat lotua baitute aspalditik. Denboraldiko finalistak, bestalde, sailkapen orokorreko puntuazio onenak lortu dituztenen artetik aterako dira. Baina sailkapen orokorrean egoteko ez dira zertan zortzi asteotako partida denak jokatu.

Egunean Behin jokoa fenomeno bilakatu da euskaldunen artean. Lehiakide kopuruak gorantz egin du azkeneko hilabeteetan. Fernandezek azaldu duenez, denboraldi honetan 98.000 herritarrek jokatu dute partidaren bat. Azkeneko asteetan, bestalde, 80.000 lehiakide inguru ari dira batez beste jokoan.

Galdera sistemako garailea

Beste alde batetik, Egunean Behinerako galdera-erantzunen lehiaketako irabazleak zein diren jakinarazi dituzte: Xabi Arbulu informatika ingeniariak aurkeztutako Erloju-orduak proiektuak Egunean Behin jokorako galdera-sistema automatikoak sortzeko lehiaketako lehen saria eraman du —500 euro—. Lehiaketa EHUko Informatika fakultateak eta Gipuzkoako Campuseko errektoreordetzak bultzatu dute, Codesyntax enpresarekin elkarlanean.

Halaber, epaimahaiak bost accesit eman dizkie honako proiektu hauei —100 eurorekin—: Euskal Herriko eskualde mapak (Javier Cabau Laporta eta Olga Ibañez Sole), Labirintoa (Gorka Urbizu), Elhuyar hiztegiko definizioak (Mari Susperregi), Kubo kontaketa (Ander Salaberria) eta Japonierazko hiriak asmatu (Cecilia Domingo). Sustatu-n ikus daitezke adibideak.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Apirilaren 4an eguneratua, 14:00etan. ©BERRIA

Koronabirusaren azken datuak

Berria

Euskal Herrian 11.184 gaixok eman dute positibo koronabirusaren proba eginda. 650 hil dira. COVID-19 gaitza izandako 3.409 pertsonari eman diete alta. Grafikoak, albiste barruan.

Osasungintzako langileak txaloka, Nafarroako Ospitalean, Iruñean. / ©Idoia Zabaleta, Foku

Datozen orduetan iritsiko dira Nafarroara Turkian atxiki zituzten arnasgailuak

Berria

10:00etan hasi dute Maria Txibite Nafarroako lehendakariak eta Iñigo Urkullu Eusko Jaurlaritzakoak azken igandeetan, Espainiako beste autonomia erkidegoetako presidenteekin batera, Pedro Sanchezekin egin ohi duten bilera.

 ©IÑIGO URIZ / FOKU

Etxea ikasgela

Garikoitz Goikoetxea

Itxialdiak hankaz gora jarri du irakaskuntza: etxean ari dira ikasleak, irakasleak eta gurasoak. Pantaila edo telefono bidezkoa da irakasle-ikasleen arteko erlazio bakarra. Hezkuntzaren erronkak ageri-agerian geratu dira egunotan: adibidez, desberdintasun sozialak orekatu beharra. Etxealdian arriskuan egongo da hori.

 ©MARISOL RAMIREZ / FOKU

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna