Albistea entzun

Koronabirusa. OSASUNA PENTSALDIAN

Amaierako argia

Ane Pescador - Donostia Ospitaleko erizaina

2021eko ekainak 27

Denboraldi luze baterako zutabe artetik agurtzera noa. Hilabete astun hauen ostera behingoz arnasa hartzen hasiak garela dirudi, egoerak barealdirik baduela. Apurka neurriak murrizten hasiak dira, kaleetan zein erietxeetan.

Esan beharra daukat bereziki erietxeetako neurri murriztaileen barealdi honek pozten nauela, ederra dela berriro ere gaixoak korridoreetan barrena ikustea, lau hormaren artetik harago haiek ikusteko aukera edukitzea. Gogorrak izan baitira oso neurriak erietxeetan, aire gehien behar zuten pertsona horiek eduki baitute askatasun gutxien babes neurriak direla eta.

Gauzak hobetzen ari dira zorionez, baina pasatutako guztiaren ondorioak agertzen hasiak dira. Osasun sistemak zama handia jasan du, eta ez da doakoa izan. Atsedenaldirik gabe egunen joan-etorrian lanean ibili dira asko, ohikoak baino estresagarriagoak ziren egoerak bizitzen, neke fisikoa areagotzen zuten babes indibidualerako ekipoek jantzita. Neke fisiko eta emozionalak akidura punturaino eraman ditu langileak, laneko bajak hartuaz batzuk, beste batzuk euren profesioak uzteko erabakia hartzera iritsita. Arrazoia bat edo beste izan, egoera kritikoa izatera iritsi da, erizainak ordezkatzeko kolpetik ez dago ordezkorik, erizain asko behar dira osasungintzako hainbat esparrutan eta erizainek ere atsedenaldia behar dute. Atsedenaldirik ezean klaudikazio mailak handitu egingo dira, osasun profesionalen lanaren kalitatea okertuz, eta ondorioz osasun sistemaren kalitatea gutxituz. Atsedenaldiak emateko lan handia egiten ari dira gainbegiraleak, baina jakin badakite atsedenaldi horiek eman ahal izateko kalitate asistentziala kaltetua ikus daitekeela.

Aurrera egingo dugu honetan ere, eta berandu baino lehen anekdota hutsean geldituko da dena. Baina eskertuko nuke etorkizunean osasungintzak ere behar duen tokia edukitzea. Ez ditzagun baldintzak datozen moduan onartu.

Erizaintzaren edertasunaz hitz egin nahiko nizueke aurki, pasioz betetzen gaituen lanbide honek dituen mila adar ederrez, atzean duen zientziaz, gizatasunaz eta behingoz atzean utzi hankaz gora jarri gaituen pandemia. Une hori aurki iristearen zain gelditzen naizen bitartean, eskerrak eman nahi dizkiet atsedenik gabe lanean jardun diren horiei guztiei, irudi eta eredu izan diren gaixo eta senide guztiei, bide luze honetan umorerik eta indarrik galdu ez duten horiei, eta, nola ez, zutabe hau posible egin duzun zuri, irakurle.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Kontseiluak deituta maiatzean Bilbon egindako elkarretaratzea, Irungo Udaltzaingoaren lan eskaintzaren inguruan izandako polemikaren harira. ©MARISOL RAMIREZ / FOKU

CCOOk helegitea jarri dio udaltzainen lan poltsari, B2 maila eskatzen dutelako

Julen Aperribai

Euskara maila «meritua» izan dadin nahi du sindikatuak. Kontseiluak gogoratu du administrazioek herritar denen hizkuntza eskubideak bermatu behar dituztela

Hainbat ikasle EHUko Ibaetako campusean eginiko manifestazioan. ©Gorka Rubio, FOKU

Eraso sexistagatik salatu zuten irakaslea, «telelanera» behartua

Ion Orzaiz

EHUk espedientea ireki dio irakasleari, baina eskolak ematen segituko du, «telematikoki» bada ere. Emakume batek hainbat gizonen artean jipoitu dutela salatu du Gasteizen

PCR probak, Gasteizko Txagorritxu ospitaleko laborategi batean. ©G.RUBIO / FOKU

Astebetean %27 handitu da positibo kopurua Hego Euskal Herrian

Edurne Begiristain

Azken zazpi egunetan 1.193 kasu detektatu dituzte. Ospitaleratutako gaixo kopurua %32 handitu da epe berean: 128 eri daude gaitzarekin

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.