Albistea entzun

HIZPIDEAK

Beste itzulia

Oihana Elduaien Uranga -

2022ko maiatzak 14 - @oihanaelduaien

Esan egin behar da gero... «moda kontua» dela emakumezkoen txirrindularitza. Berdintasuna moda kontua dela, eta txirrindularitzari ere tokatu zaiola. Aurten aurreneko aldiz ari dira jokatzen emakumezkoen Itzulia, eta haren antolatzaile Julian Erasok irrati batean esan du «ia-ia behartuta» antolatu dutela. Ez du esan, baina ulertzen da: «Ia-ia behartuta», bestela batere ez. Tristea da, baina eskerrak badagoen antolatzaileak derrigortzen dituen jendea.

Hizketan jarraitu du: «Oxala indartuko balitz». Baina zaleengan jarri du zama: «Espero dugu zaleek ere kontzientzia hartzea, eta araketan bildu eta txirrindulariak animatzea, gizonezkoen txirrindularitzaren bide bera har dezan, hura espektakularra baita». Hau da, emakumezkoen txirrindularitza ez da espektakularra. Ez da? Edo ez da inoiz erakutsi zenbateraino den eta izan daitekeen? Edo ez dute eduki espektakularra izateko behar den beste baliabide eta antolaketa? Antolaketan dabiltzanek horrelako diskurtsoak dituzten bitartean, aldapak eta pendizak ez dira errepidean amaituko emakumezko txirrindularientzat. Baina ez da moda, ez. Eta pedalei eragiteko prest daude txirrindulari ez diren asko ere.

Argi dago, Erasorentzat ez da gizonezkoen Itzulia den gauza bera. Horregatik, izen berezia du: betikoa Itzulia izango da, gizonezkoena, eta bestea Itzulia Women. Ez daitezen gauzak nahastu.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.