Albistea entzun

Donostiako 83. Musika Hamabostaldia. IRITZIA

Ikusi ahal izateko, begiratu behar

Ballet Flamenco de Andalucia konpainia gonbidatu dute; hilaren 17an ariko dira Viktoria Eugenian.
Ballet Flamenco de Andalucia konpainia gonbidatu dute; hilaren 17an ariko dira Viktoria Eugenian. MUSIKA HAMABOSTALDIA Tamaina handiagoan ikusi

Marta Garcia -

2022ko uztailak 31

Iaz, Musika Hamabostaldiaren aurretiko analisia ireki nuen esanez jaialdiak normaltasunerako bidea hartua zuela, ohiko ziklo guztiak berreskuratuta. Bada, aurtengo programazioari so eginez, badirudi berezkoak zaizkion ahotsak ere berreskuratuko dituela. Nabaria da abesbatzek presentzia handia izango dutela, bere historian Hamabostaldiaren izaera determinatu izan duen programa sinfoniko-korala berriro ere taularatuz. Errepertorio askotarikoa, ez beti ohikoa eta, hortaz, erakargarria: G. Carissimiren Historia di Jephte, G. Gershwinen Porgy and Bess operaren hautaketa bat, C. Debussyren Nokturnoak, J. D. Zelenkaren Missa omnium sanctorum eta L. Janaceken Meza glagolitikoa, esaterako.

Opera eta zarzuela ere izango dira berriro gurean, baina bertsio urardotuan: P. Sorozabal jaio zenetik 125 urte betetzen diren honetan, La tabernera del puerto arrakastatsua soilik kontzertu bertsioan entzun ahal izango da; G. Donizettiren La fille du régiment, aldiz, bertsio erdi-eszenaratuan. Aurrekontuak, antza, ez dira oraindik euren onera itzuli; emaitza ikusteke dago. Eszenaren nahi eta ezin horren aurrean, behintzat, ibilbide handiko abeslari pareak izango dira protagonista: Miren Urbieta-Vega eta Andeka Gorrotxategi lehenengoan, Elena Sancho-Pereg eta Xabier Anduaga bigarrenean. Musikak ahotsa lagundu dezan baino ezin da eskatu.

Organo Zikloaren hamabost hitzorduetan atzerriko izen ugari topatu ditzakegu; haietatik sei lehen aldiz izango dira Hamabostaldian. Ohikoa denez, XX. mendeko konpositore frantses ugari (Widor, Vierne, Dupre, Faure, Franck...), tradizio alemaniarrean kokatzen direnak (Buxtehude, Bach, Brahms, Mendelssohn...), eta baita euskaldunak ere (Aita Donostia, Usandizaga, Guridi, Garbizu, Urteaga...). Gipuzkoako organo erromantikoen ondarea ezagututa, nahitaezko geltoki ugari ditu ziklo horrek.

Antzinako Musika Zikloak galdua du aspaldian zuen handitasun distira, baina badira urtero aukera onak. La Ritiratak F. Mancini napolitarrari bere jaiotzaren 350. urteurrenean egingo dion omenaldia izan daiteke bat; Egeria taldeak ekarriko duen XI. eta XII. mendeetako musika siziliarra, beste bat.

Hainbat estreinaldi absolutu entzun ahal izango dira Musika Garaikideari eskainitako zikloan: G. Erkorekaren bi obra eta E. Kurt gaztearen pieza bat. Izenari erreparatzen badiogu, gutxi direla pentsa liteke. Baina sorkuntza berriak beste zikloetan ere izango dira. Quartetto Adornok D. del Puertoren hari laukotea estreinatuko du Ganbera Musika zikloan, eta Kukaik Eta orain zer? aurkeztuko du Lekuona fabrikan. Ez dut oraindik topatu garaikidearen eta programazio arruntaren arteko muga.

Haurrek ere badute tokirik Hamabostaldian. Duela lau urte estreinatu zen Itsasotik obraren bertsio eguneratuaz gozatu ahal izango dute Viktoria Eugenia antzokian. Bestalde, dantzaren aldeko apustuari heltzen jarraitzen du jaialdiak, proposamen berriekin: Lokke, Lasala, Jone San Martin, Andaluziako Ballet Flamenkoa.

Lehen begiratuan, badirudi eskaintza ez dela beste urteetan bezain arranditsua. Eskerrak bitan begiratzea badugula.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Oier Guillan, Agurtzane Solaberrieta eta Haritz Azurmendi ©Jakin

Idoia Beratarbide eta Oier Guillan dira Joan Mari Torrealdai ikerketa bekaren irabazleak

Isabel Jaurena

'Artxibo biluzia' saritu dute, Torrealdairen artxiboen lapurreta abiapuntu duen proiektua.

Martxan da Durangoko 57. Azoka

Aurten bai: ohiko irudiak ikusi dira Durangoko Azokaren lehen egunean

Paulo Ostolaza

Goizean ireki ditu ateak Landako guneak, eta ikasleak izan dira protagonista han. Arratsaldean egin dute irekiera ekitaldia, Barrexerka antzerki taldearen eskutik.

Langileak Durangoko Landako guneko salamahaietako bat prestatzen, atzo. ©MARISOL RAMIREZ / FOKU

Eztanda baten esperantzan

Iñigo Astiz

Gaur hasiko da Durangoko 57. Azoka, eta, azken bi urteetako gorabeheren ondoren, pandemia aurreko itxura berreskuratzeko erronka izango du aurrez aurre igandera bitarte. Musikaren euskarri fisikoen krisiak eta prezioen igoerak eragindako ziurgabetasunari ere erantzun beharko dio.

 ©Aritz Loiola, FOKU

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...