Noiz sortua: 2018-09-29 00:30:00

Donostiako 66. Zinemaldia. Zuzendari berriak. KRITIKA

Handia egiten naizenean gizona izango naiz

<em>The Third Wife</em> filmaren fotograma bat.
The Third Wife filmaren fotograma bat. DONOSTIAKO ZINEMALDIA

Uxue Arzelus -

2018ko irailak 29

'The Third Wife'

Zuzendaria: Ash Mayfair. Herrialdea: Vietnam. Iraupena: 96 minutu.

XIX. mendea Vietnam-en. 14 urteko May lur-jabe aberats baten hirugarren emazte bilakatuko da. Erritualez eta tradizioz betetako mundu honetan, Mayk duen aukera bakarra seme batez erditzea da. Horrek emango lioke zentzua bere bizitzari. Hala, haurdun gelditzen denean, bere esperantza guztiak haurraren generoan jartzen ditu.

Ash Mayfair zuzendariaren lehen film luzea da The Third Wife. Emakumeak haurrak edukitzeko tresna gisa tratatzen dituen gizarte bat erretratatu du vietnamdarrak. Bertan, May gaztea pixkanaka joango da jokoaren arauak ikasten, hasieran erakusten duen inozentzia galtzen joango delarik. Bigarren emaztearen alaba txikiak, ordea, argi dauka: handia egiten denean gizona izango da. Izan ere, baliozko aukera bakarra da.

Harrigarria dirudi tratatzen duen gaia horren gogorra izanik zein film ederra egin duen Mayfairrek. Ederra da hitza, bai. Azaltzen dizkigun paisaiak, erabiltzen dituen planoak, musika... protagonista bera ere da ederra. Ilea nola orrazten duten, errekan nola garbitzen diren, oheak inguratzen dituzten oihalak... Kontraesan polita sortu du zuzendari vietnamdarrak: horrenbeste edertasun artean horren bizitza itsusia bizi behar duen neskatilarena. Hala ere, Mayfair ez da ikuslea engainatzen saiatu; oso argi utzi digu filma irekitzen duen sekuentzian (baita amaierakoan ere) azaltzen den kamerari zuzendutako begiradan. Adi! Kontuz! Dena ez da horren polita izango beti.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Ekainaren 5ean eguneratua. ©BERRIA

Koronabirusaren azken datuak

Berria

Azkeneko 24 orduetan hiru lagun hil dira COVID-19 gaitzaren eraginez. Hamalau positibo atzeman dituzte PCR probekin, eta ez dute gaixorik ospitaleratu. Euskal Herrian 29.723 gaixok eman dute positibo guztira, koronabirusa atzemateko probaren bat eginda. Horietatik 2.089 hil dira. Grafikoak, albiste barruan.

Ertzaintzaren kontrol bat, Kantabriako (Espainia) mugan. ©Aritz Loiola / Foku

Beste hiru pertsona hil dira COVID-19ak jota

Berria

Hamalau pertsonak eman dute positibo Hego Euskal Herrian PCR proban. Ez dute inor ospitaleratu, eta pertsona bat atera dute zainketa intentsiboen unitatetik.

Herritarrak paseoan, Donostiako Ondarreta hondartzaren ondoan. ©JON URBE / FOKU

Hirugarren fasera igaroko da Hego Euskal Herri guztia

Ainhoa Larretxea Agirre

Hirugarren fasetik aitzinera, autonomia erkidegoetako lehendakariek izango dute erabakiak hartzeko eskumena. Alarma egoera bukatu arte, etenda egongo dira Nafarroaren eta EAEren arteko joan-etorriak. Nafarroan elkarte gastronomikoak irekiko dituzte, baina tabernetako barrek itxita jarraituko dute. Jaurlaritzak bihar emango ditu hirugarren faseari buruzko azalpenak.

Arroabeko haur eskola, artxiboko irudi batean ©urola kostako hitza

Partzuergoko haur eskolak ekainaren 22an irekiko dituztela jakinarazi diete sindikatuei

Irati Urdalleta Lete

LABek plantorako deia egingo du, «prebentzio plan egokia» adostu ezean.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna