Albistea entzun

kritika. Musika

Wagnerren ustekabea

Jesus Mari Begoña -

2017ko ekainak 11

Bilboko Orkestra Sinfonikoa

Egitaraua: Joseph Haydn, Wolfgang Amadeus Mozart eta Richard Wagnerren lanak. Zuzendaria: Erik Nielsen. Abeslariak: Michelle DeYoung, Stuart Skelton, Callum Thorpe. Lekua: Euskalduna jauregia, Bilbo. Eguna: ekainak 8.

Publikoaren txalotze luzeak eta biba oihuek eman zioten amaiera Bilboko Orkestra Sinfonikoak egin duen denboraldi onari. Ez zen gutxiagorako. Izan ere, bukaera ospatzeko, beste hainbat piezaren artean, Richard Wagnerren Walkiriak operaren lehen ekitaldia eskaini zuten Erik Nielsen zuzendariak eta musikariek, luxuzko abeslari taldearekin.

Bikain abestu zuen Stuart Skelton tenorrak Siegmunen rolean, dramatiko graberako partitura: bolumen handia, afinazio txukuna, fiato aproposa fraseoetan, indarra tonu altuetan. Haren kantaldiak dardara sortu zuen Udaberriko eszenan (Winterstürme wichen), eta baita Amodiozko eszenan ere (Du bist der Lenz), bere bikotekidearekin batera. Michelle DeYoung mezzoak ederki interpretatu zuen bere abestaldi ziurra Sieglinderen rolean; hunkitu egin gintuen Der Männer Sippe sass hier im Saal eszenan, eta bikotekideari eutsi zio Amodiozko eszenan. Egokiagoa sumatu genuen Callum Thorpe baxua Walkiriak-en Hundingen rolean, lehen zatian abestu zuen Mozarten kontzertuko arian baino. Wagnerren lanean ahots koloretsua atera zuen beheko tesituran, eta aise ibili zen erdi eta goi tesituretan dauden zati fraseatuetan, sendo bere rol laburragoan.

Nielsen zuzendariak exekuzio zehatza lortu zuen 25 leitmotive dituen Wagnerren partitura laberintikoan, eta malgutasunez gidatu zuen operetan aspalditik ondo trebatutako orkestra.

Denboraldi bukaerako kontzertuaren lehen zatian, Joseph Haydnen 82.sinfonia Do Maiorrean edo Hartzarena jo zuten. Indarraz eta graziaz aparte, aniztasuna eta dirdira erakutsi zituzten dantza desberdinetan. W.A. Mozart-en Alcandro lo confesso... arian, Thorpe baxuak ahaleginak egin zituen erdi eta goi tesituretan, eta ahots tinbratua azaldu behekoan, baina, beharbada, juxtuago agertu zen bolumenaren aldetik.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Manuel Asin Ikuspuntu jaialdiko zuzendari artistikoa, Baluarteko atarian, Iruñean. ©JAGOBA MANTEROLA / FOKU

Ikertzeko balio duten distantziak

Olaia L. Garaialde

Iruñeko XVI. Ikuspuntu jaialdia martxoaren 14tik 19ra izanen da. Sail Ofizialean hamazazpi herrialdetako 21 film izango dira lehian. Lan eta Desbordamientos sail berriak ere badira

 ©BERRIA

Lukiek, eskemak nondik eta noraino apurtu

Itziar Ugarte Irizar

 

Hamar kantuko disko berria plazaratu du taldeak: '#2'. Kontraste ugariko lana ondu dute, egitura ezohikoak eta pasarte poperoagoak uztartuta. Arrasaten joko dute gaur; bihar, Tolosan

Juan Mari Aburto eta Fernando Perez, atzo, Azkuna zentroan. ©ARITZ LOIOLA / FOKU

Bost erakusketa egongo dira ikusgai aurten Bilboko Azkuna zentroan

Olatz Enzunza Mallona

Erakusketez gainera, beste 200 jarduera baino gehiago programatu dituzte, eta arte bisualak indartzea izango du ardatzetako bat zentroak

Carla Simonen 'Alcarràs' filma. ©Berlinale

Claire Denis, Hong Sang-soo, Isaki Lacuesta eta Carla Simon, Urrezko Hartza eskuratzeko lehian

Andoni Imaz

Berlinalen, besteak beste, Mitra Farahani, Lucrecia Martel, Ulrich Seidl eta Peter Strickland zinemagileen lan berriak erakutsiko dituzte.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.