Albistea entzun

Martijn Winklerrek irabazi du Serieslandeko sari nagusia

Erredakzioa -

2021eko urriak 24

Bilboko Seriesland nazioarteko jaialdiko sari nagusia Martijn Winkler herbeheretarrak irabazi du. Hura da jaialdiko VII. ekitaldiko showrunner onena — ekoizpen baten gidoilari nagusia eta ekoizle eragilea izaten da showrunner-a—, eta Hitte izeneko suspensezko websailarekin gailendu da. Klima aldaketa eta haren kalteak ditu oinarrian lanak, eta bero bolada bortitz bat jasaten ari diren herritarren bizipenak jasotzen ditu. 2020koa da Winklerren ekoizpena, eta hamabi kapituluko denboraldi bakar batean dago bilduta. Guggenheim museoan egindako galan jaso zuen atzo iluntzean saria.

Sekzio ofizialeko serie onenaren saria Félix, Maude et la fin du monde lanak irabazi du, eta zuzendari onenarena, Nikita Tamarov errusiarrak, Married live scenes lanarengatik. Gizonezko aktore onenaren saria ere errusiar batentzat izan da: Fyodor Lavroventzat (Youtube Policemen). Emakumezko aktore onenaren saria, berriz, Sofia Banzhaf kanadarrak lortu du (The Communist's Daughter).

Euskal Herrian ekoitzitako websailik onenaren saria Andrea Menesesen Casa de Ma seriearentzat izan da. Zikings euskarazkoa, nazioarteko hainbat jaialditan parte hartzeko aukeratu dute.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Juan Mari Arzak, BCCren ohorezko oroigarria hartuta, eta sukaldariz eta ikaslez inguratuta, atzo. ©MAIALEN ANDRES / FOKU

Arzak patroia, Arzak maisua

Enekoitz Telleria Sarriegi

BCC Basque Culinary Centerreko ohorezko patronatukide izendatu dute Juan Mari Arzak. Haren ekarpena eskertu dute, eta bere ezagutza partekatzeko izan duen eskuzabaltasuna goratu.
 ©BERRIA

Ohiko albisteetatik ihesi

Iker Tubia

Reuters institutuaren arabera, geroz eta jende gehiagok erabakitzen du gaurkotasuna albo batera uztea. Eragin psikologikoa, nekea, konfiantza falta eta ezintasun sentsazioa aipatu dituzte albisteetatik deskonektatu direnek.
Jaurlaritzako, Euskal Wikilarien Kultura Elkarteko eta EHUko ordezkariak, Ikusgelaren aurkezpenean, atzo, Donostian. ©JON URBE / FOKU

Martxan da Ikusgela, euskarazko bideo pedagogikoen ataria

Amaia Jimenez Larrea

Euskal Wikilarien Elkarteak filosofiako, ekonomiako eta euskal literaturako bideoak egingo ditu

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...