LARREPETIT

Ileak

Maddi Ane Txoperena Iribarren -

2018ko uztailak 11
Depilatzailearenetik atera eta ile itsusi bat aurkitu dut kokotsaren puntan. Ez dit depilatzaileak kendu, ezta neukanik abisatu ere; existitzen duenik ere onartuko ez lukeenez. Pintzarekin eutsi diot, eta indarrez tira, inork ikus ez nazan albo batera begira, badaezpada.

Ez dira ustez existitzen ez diren ile bakarrak. Horiekin batera baitaude titiburuaren ingurukoak, ipurdikoak edo bizkarraren behealdean ateratzen diren horiek, inork izan ez, aipatu, eta ustez kendu ere egiten ez dituenak. Ez dira agertzen krema eta argizarien iragarkietan, ez da inor mintzo horietaz. Ezta inguru feministenetan ere.

Miren Amurizak aski argi idatzi zuen kazeta honetan ustezko aurrerakoion inkoherentziaz. Nola uzten ditugun luze ile batzuk, eta besteak berehala kendu: ┬źDepilatzeari erabat uzteko baino inkoherenteagoa baitzara zu (edo, zuk esaten duzun lez, koherentzia malguagokoa); besapeko ileei (neurrian) luzatzen uzten dien bitartean, zangoetako biloa kentzen dutenetarikoa┬╗. Eta beste ile batzuk ere bai.

Ez dut erraten kendu beharko ez genituzkeenik: nardagarriak dira; gutxien espero dugunean ateratzen direnak gutxien nahi duzun lekuan, eta gure emetasuna ere zalantzan jartzen digutenak istant batez. Lagun batek aitortu zidan garai batean erdi-gizona ote zen zalantza egiten zuela, aurpegian ateratzen zitzaion ileagatik. Eta ez zela lasaitu berandu baina beste batzuekin horren arruntasuna deskubritu zuen arte.

Guk ere hobe genuke albo batera begiratzeari utzi eta onartuko bagenitu. Eduki, denok izan eta izaten ditugulako seguruenik, baita kendu ere. Eta ez erran ez dakizula zertaz ari naizen. Ez dute merezi iritzi zutabe hau baino hiru lerro gehiago, agian. Jada sobera luzatzen ari naiz. Baina uste dut urrats handia eginen genukeela lasaitasunez hitz egingo bagenu horietaz. Halako transzendentziarik gabe, baina dauzkagula onartuta.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna