ENBAXADA BILA

Eskozia berriro

Martxelo Otamendi - BERRIAko zuzendaria

2019ko azaroak 3

Duela hilabete batzuk hasi zen aipatzen Eskoziako lehen ministro Nicola Sturgeon bigarren independentzia erreferendumaren aukera. Duela 5 urte izan zen aurrekoa, eta nahiko aldearekin irabazi zuten independentziaren aurkakoek: % 54.

Asteon berretsi du asmo hori, eta jarri dio Londresi eskaera modu ofizialean egiteko data Sturgeonek: urtea bukatu baino lehenago. Brexit-aren aurka Eskozian dagoen jarrera zabala baliatu nahi dute independentziazaleek 2014ko galdeketan lortu ez zutena 2020an egin nahi duten horretan irabazteko; independentziaren alde egin zutenek bere horretan segitu, eta aurka bozkatu zutenetako batzuek Europaren barruan egongo litzatekeen Eskozia independentea nahiago dutelakoan brexit-aren ondorioak jasango dituen Eskozia britaniarra baino. Itxaropen hori daukate duela bost urteko erreferendumean emaitza hobeak espero zituztenek.

Komeni da gogoratzea Eskoziak ez daukala Erresuma Batuko lege egituran berezko eskubide legezkorik erreferendumera nahi duenean deitzeko. Londresi baimena eskatuta egin zuten 2014koa, eta orduko lehen ministro David Cameronen babesarekin egin zituzten erreferenduma adosteko negoziazioak. Geroztik esana dauka Cameronek arrisku handiegia hartu zuela prozesu hari baiezkoa emanda, eta, emaitza independentziaren aldekoa izan zitekeela aurreikusita, kanpainaren azken egunetan jendaurreko adierazpen leun bat eskatu behar izan ziola Elisabet II.a erreginari.

Ikusiko dugu zer erabakitzen duen hurrengo hilabeteetan Londresek, baina lehen ministro Boris Johnsonek behin baino gehiagotan esan du ez duela beste galdeketarik onartuko. Eta erantzuna ezezkoa bada, eskoziarrek zer egingo duten jakiteak interes handia piztuko du uharte handian, eta handik kanpo ere bai; besteak beste, Vicent, gure bi herriotan. Braveheart-en izpiritu menderaezina hegan hasia da berriro goialdeko zelaietan barrena.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Osasun langileak, atzo, PCRak egiten, Donostiako Okendo kultur etxean. ©GORKA RUBIO / FOKU

Eragile guztiekin biltzeko eskatu dio oposizioak Eusko Jaurlaritzari

Olatz Esteban Ezkati

538 positibo atzeman dituzte Hego Euskal Herrian, iragan astean halako bi. Ospitaleratzeak ere bikoiztu egin dira egun batean: 103 pertsona daude erietxean.

 ©RAUL BOGAJO / FOKU
 ©LUKAS COCH / EFE

COVID-19aren kutsatzeak arakatzeko aplikazioen eraginkortasuna, kolokan

Munia El Marhoum Iruretagoiena

«Normaltasun berrira» heldu bidean, koronabirusaren zabaltzea geldiarazteko tresna gisa aurkeztu dituzte zenbait 'app'. Herrialde askotan ez dira lortu hasiera batean aurreikusitako emaitzak

Lasarte-Oriako klasururako konbentua itxita, gaur. ©Javier Etxezarreta / EFE

Lasarte-Oriako klausurako komentu bateko moja guztiek positibo eman dute

Berria

Hamar izan dira positiboak guztira. Alkateak adierazi du agerraldia kontrolpean dagoela.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna