Albistea entzun

ZUZENDARIEN GALEUSCA

Feijoo, mitinez mitin

Maria Obelleiro - 'N˛s Diario'-ko zuzendaria

2022ko martxoak 20

Feijoorena lotsagabekeria hutsa da. Galizia ┬źmuturreko egoeran┬╗ dagoen honetan, Galiziako Xuntako presidentea lanaldi laburtuan ari baita— alderdi barreneko kanpaina egitera joan da. Ortzegunean, Galiziako Gobernuaren asteroko bileraren ondoko prentsaurrekoan, ohartarazi zuen ┬źsektore estrategiko anitz kinka larrian┬╗ daudela, eta, agerraldia bukatu eta berehala, kanpainako birari lotu zitzaion berriz, horretan baitabil buru-belarri: egun hartan, Asturias eta Kantabriara joan zen, ekitaldi batzuk programatuak baitzituen PPko presidentea hautatzeko kanpainaren barrenean.

Galizian, lehen sektorea kinka larrian da, eta nekazaritza eta abeltzaintza, berriz, desagertzeko arriskuan, Landa Inguruneko kontseilariaren beraren hitzetan; industrian, 33.000 lanpostu gutxiago daude Feijoo presidente denetik; soldatak estatuko batezbertzekoa baino %10 apalagoak dira, eta inflazioa Galizian goititu da gehien. Eta, hori guzia jakinda ere, Feijoo gehiago kezkatzen da Pedro Sanchezen aurkako oposizioaren buruarena egiteaz, Galiziako Gobernua zuzentzeaz baino; ez dezagun ahantz, gainera, presidente lanaren truke kobratu egiten duela oraindik ere.

Martxelo, Vicent, aspaldidanik biltzen ari gara orriotan Galiziako Xuntako presidenteak bere zereginak alde batera utziak dituela erakusten duten adibideak. Kontua jada ez da 2009tik, hau da, gobernura ailegatu zenetik eskumenik eskualdatzeko eskatu ez izana, baizik eta bere esku dituenak ere ez erabiltzea. Pedro Sanchezi zer egin behar duen erraten ematen du denbora, baina ez dago inoiz Xuntaren egoitzan, San Caetano karrikan, eta ez du neurririk hartzen prezioen igoerak eragindako krisia geldiarazten saiatzeko.

Jada ez du disimulatzeko lanik hartzen. Hainbertze gustatzen zaio ┬źaskatasuna┬╗, non berriz Madrilera joan nahi baitu bizitzera. Zutabe honetan lehen ere ohartarazi genuen horretaz, ┬źetxera┬╗ itzuliko zela erran genuenean, eta hark ere onartu du berriki: ┬źMadrilek askatasuna maite du, eta horregatik joan nahi dut berriz hara bizitzera┬╗. Feijook, zeina konplexuz betea baitago, erran zuen Espainiako hiriburua ┬źhiri abegikor eta irekia┬╗ dela, ┬źoparoa┬╗, Galizia abegikorra eta irekia ez balitz bezala. Badakigu Galizia oparoa bederen ez dela, Feijooren agintaldietan ezarritako politika antisozialen eta murrizketen eraginez, baina lor daiteke oparo bilakatzea, baldin eta gobernuak balioa ematen badie egun itoak dauden produkzio sektoreen potentzialtasunari eta erabakitzeko gaitasunari.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Hutsaren bahea
Arrosarioa
 ©BERRIA

Garai konplexuei aurre egiteko kazetaritza bat

Beatriz Zabalondo - BERRIA Taldeko lehendakaria / Martxelo Otamendi - BERRIAko zuzendaria

Iaz BERRIA Taldeak egindakoaren errepasoa duzu hau. Kazetaritza da gure eginkizuna, euskarazko kalitateko kazetaritza; erreferente informatiboa izatea helburu. Beraz, hortik hasi dugu errepasoa, gero arlo ekonomikoari, komunitateari eta erronka berriei leku egiteko.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...