HIZPIDEAK
Zarata
Baionako hipermerkatu batean musika isildua dute eta apaldua dute argia, autistengatik. Baina asko dira erabakia gustura hartu zutenak. Argi geratu da. Izan ere, musika aparatua izorratu zenean, egun batzuk pasatu zituzten batere musikarik gabe, baina makina konponduta musika berriz jartzen hasi zirenean protesta egin zuen jendeak; nahiago zuela isiltasuna. Eta halaxe egin dute. Hipermerkatuko zuzendariak dio: «Bereziki autistei begirako lote bat da: soinua kendu genuen eta argia apaldu, baina askok eskertzen dute, aitatxi-amatxiek, langileek... askok!».
Aurtengo udan, musikarik gabeko orduak egon dira hainbat herritako barraketan. Autistak izan dira horretarako arrazoi, baina herritar asko izan dira aukera hori baliatu dutenak hango buelta egiteko, dibertsio orduak ez daitezen estres ordu bihurtu.
Musikak hainbat erabilera terapeutiko eta onuragarri dituela ez dago zalantzarik. Autistekin ere baliatzen dituzte, noski. Baina, noiz da musika eta noiz da zarata? Gizarte batean bizitzeko besteen beharrak ere kontuan hartu behar dira. Aisialdia bizitzako atal garrantzitsu bat da denentzat, eta horregatik behar dute autistek ere gizartean integratutako aisialdi bat. Horretarako, baina, denen espaziotzat hartzen diren horiek «gehienen» espazio izateari utzi behar diote, eta benetan «denen» espazio izatera pasatu behar dute.
Astekaria
Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.
