Noiz sortua: 2019-01-12 00:30:00

PASCALEN ESFERATIK

Utzi bertan!

Xabier Amuriza -

2019ko urtarrilak 12

Ez naiz ulertzen saiatzen nire ulertzearen gorabeheran ez dauden auziak. Are gutxiago, nire ulermenean sartzen ez direnak. Ilunean sakonduz, ilun gehiago bakarrik aurkituko duzu. Galdera batek ez du funtsezkoa izan beharrik mendeetan errepikatu delako. Esan nahi du, seguruenik, galdera funsgabea dela. Aizu, nola esplikatzen da...? Utzi bertan! Hemen ez da behar merkuriozko zapatarik. Zorte handia da, noski, egiazko baretasun bat lortzea, funtsez nahiz funts gabe, mundu honetara mugatzen deino. Harago nahi dutenei ondo joatea opa diet, detaileetan sartu gabe.

Eternitateaz ez naiz arduratzen, bai baitakit bertara itzuliko naizela. Bitartean, ez dut maite neure buruaren bila inora joaterik. Beldur naiz, ni iristean, bera joana izango dela handik. Zorionez joana, bestalde, zeren han aurkituz gero, dezepzioa errepika bailiteke. Hori ere ez litzateke tragedia bat. Dezepziotik dezepziora pozik bizi naiz. Dezepzio bakoitzak itxaropen bat izan du. Garbi esanda, nire amets gehienak sasira joan dira, baina amets izan dira.

Bere burua aurkitu nahi duenak kokapen bat esan nahiko du. Altuagoa, nonbait ere. Esango dizu ez zela ari toki baten bila, bere pertsonaren bila baizik. Orduan norbait inportanteagoa esan nahiko zuen, zaila baita inor hastea nortasun kaskarrago baten bila. Orain arte, bere ahalguztiak ere ezin izan du Jainkoa bakartasunetik libratu.

Hala ere, zer gehiago nahi zenuke zeuretzat ahalguzti eder bat baino, konformitate iraunkor batera iristeko? «Iraunkor» esatean, zerbait «betikoa» ulertu nahiko duzu, jakina. Hala gerta baledi, ez ahaztu ez zarela bakarra, betirauna gozatu edo pairatu beharko duena. Denak ala inor ere ez. Ba, zortea opa dizuet dileman. Nik egingo dut modua bazterrak ikusten geratzeko. Arrarotasun tenporalak gerta daitezke, baina arrarotasun eternalak...

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Maiatzaren 29an eguneratua, 19:00etan. ©BERRIA

Koronabirusaren azken datuak

Berria

Azkeneko 24 orduetan lau pertsona hil dira COVID-19 gaitzaren eraginez, 22 positibo atzeman dituzte PCR probekin, eta bi gaixo ospitaleratu dituzte. Euskal Herrian 29.107 gaixok eman dute positibo guztira, koronabirusa atzemateko probaren bat eginda. Horietatik 2.056 hil dira. Grafikoak, albiste barruan.

Araban, Bizkaian eta Gipuzkoan Lanbide arduratuko da errenta berria banatzeaz. ©JUAN CARLOS RUIZ / FOKU

Iritsi da bizitzeko gutxieneko diru sarrera, muturreko pobrezia murrizteko

Irune Lasa

Espainiako Gobernuak diru saria onartu du, eta ekainean bertan hasiko da ordaintzen. Hegoaldean, Eusko Jaurlaritzak eta Nafarroako Gobernuak kudeatuko dute

Donostiako Zurriola hondartza, atzo. ©Gorka Rubio / FOKU.

Murgak dio ezin direla errepikatu hondartzetan ikusi diren irudiak

Maddi Ane Txoperena Iribarren

Jendea ez pilatzeko eta hondartzak modu «dinamikoan» erabiltzeko eskatu du Eusko Jaurlaritzako Osasun sailburuak. Era berean, galdegin du aisialdirako bada ez erabiltzea garraio publikoa «jende asko dagoenean».

Haur bat, jolas parke baten ondoan, Zarautzen. / ©Gorka Rubio, Foku

Espainiako Gobernuak eguneko udalekuak baimenduko ditu hirugarren fasean

Jon Ordoñez Garmendia

70 urtetik gorakoentzako ordutegiak desagertu egingo dira. Gehienez hogei pertsona elkartu ahal izango dira, baina ezingo da probintziatik atera oraindik.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna