Hezkuntzan murrizketarik ez egiteko eskatu dute

ELA, LAB, Steilas, CCOO eta UGT sindikatuek elkarretaratzea egin zuten atzo Eusko Jaurlaritzaren kanpoaldean, Gasteizen, eta Hezkuntza Sailari eskatu zioten «murrizketen politika bazter uzteko», eta jartzeko baliabideak hezkuntza publikoa «indartzeko». Cristina Uriarte Hezkuntza sailburuari «alde bakarreko» erabaki «murriztaileak» hartzea leporatzen diote, eta ohartarazi diote «bide beretik» jarraitzen badu «erantzun irmo bat» artikulatzea beste erremediorik ez dutela izango. Goiko argazkian, sindikatuek atzo egindako elkarretaratzea.