Albistea entzun

Indiako eta Pakistango ezohiko bero boladaren arriskuaz ohartarazi dute

45-50 graduko tenperaturak iragarri dituzte. Inoizko martxorik beroena izan da aurtengoa Indian, eta uste da maiatza are beroagoa izango dela.
Langile batzuk zakuak jasotzen, egun bero batean, Kolkatan, Indian.
Langile batzuk zakuak jasotzen, egun bero batean, Kolkatan, Indian. EFE Tamaina handiagoan ikusi

Zuriñe Iglesias Sarasola -

2022ko apirilak 28

Indian markak hautsi dira. Inoizko martxorik beroena eta lehorrena izan da aurtengoa. Ohi baino askoz euri gutxiago egin du: %71 gutxiago, hain justu. Bero bolada betean daude: iragarri dutenez, gaur 46 gradu izango dira New Delhin, eta 48 gradu Rajastanen, Indiako ipar-mendebaldean. Hurrengo egunetarako aurreikuspena okerragoa da: are gehiago berotuko du, 45-50 gradura iristeraino, eta agintariek ohartarazi dute tenperatura horiek hilgarriak izan daitezkeela.

Martxoaren 11n hasi zen beroaldia, eta India iparraldera hedatzen ari da. Martxoan, tenperatura atseginak ohikoak izaten dira herrialdean, eta aurtengoak hilabete horretan inoiz erregistratutako beroenak dira. Hain justu, batezbestekoak baino bederatzi gradu gehiagokoak.

Martxoko tenperaturaren joerari jarraikiz, apirila ez da hobea izan. Alabaina, 43 eta 45 graduraino iritsi dira tenperaturak. Ohikoak baino bost-zazpi gradu gehiagokoak izan dira. Maiatzean, bero handiagoa egingo du: tenperatura beroak izango dira, eta atmosferaren kutsadura handiagoa.

Indian ez ezik, Pakistanen ere pairatu dute bero bolada horren eragina. Milioika herritarrek hamalau orduko itzalaldiak jasan behar izan zituzten apirilean, bero bolada batek elektrizitate falta eragin zuelako. Datozen egunotan, tenperaturak muturrekoak izango dira Pakistango hego-ekialdean. Hyderabad hirian eta ingurukoetan, 47 gradura iritsiko dira.

IPCCren ohartarazpena

IPCC Klima Aldaketari Buruzko Gobernu Arteko Taldeak iragan otsailean argitaratu zuen txosten batean ohartarazi zuen klima aldaketaren eraginez bero boladak areagotu egingo direla Asiako hegoaldean. Horren ondorioz, datozen urteotan jende gehiago hilko da.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Fernandez, azaroan, La Plata hirian egindako ekitaldi batean. ©DEMIAN ALDAY / EFE

Cristina Fernandezi sei urteko kartzela zigorra ezarri dio auzitegi batek

Mikel Elkoroberezibar Beloki

Ustelkeria leporatu diote, eta inhabilitazioa ezarri. Foruduna denez, Argentinako presidenteordeak babesa izango du 2023ko udaberrira arte

Errusiako armadako tanke batzuk ariketa militarrak egiten Rostov eskualdean, iazko urtarrilaren amaieran. ©EFE

Neguak gerrari eragingo dio

Igor Susaeta

Elurrak, hotzak eta eguzki orduen urriak baldintzatuko dituzte guda zelaiko mugimenduak eta horien ondorioz sortutako abaguneei eman beharreko erantzunak.
Kolonbiako eremu deforestatu bat. ©Mauricio Dueñas Castañeda, EFE

Deforestazioaren aurkako araudia adostu dute Europar Kontseiluak eta europarlamentuak

Gorka Berasategi Otamendi

Egitasmoaren helburua da baso suntsitzearekin lotutako salgaiak Europako Batasunaren merkatutik kanporatzea. Produktu jakin batzuk merkaturatzen dituzten enpresek ziurtatu beharko dute beren ekoizpen kateek ez dutela deforestazioa eragiten.

Indonesiako zigor kodearen erreformaren kontrako protesta bat, atzo, herrialdeko parlamentuaren parean, Yakartan. ©MAST IRHAM, EFE

Indonesiak urtebeteko espetxearekin zigortuko ditu ezkontzatik kanpoko sexu harremanak

Gorka Berasategi Otamendi

Parlamentuak zigor kodea moldatzea onartu du gaur. Erreformaren bidez, debekatu egin du apostasia, agintariak iraintzea eta aurrez abisurik eman gabe protesta egitea.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.