Arrosa sareak martxoaren 4an egingo ditu topaketak, Errenterian

2023ko otsailak 19

Arrosa irrati sareak hamargarren urtez antolatu ditu Euskal Herriko irrati libreentzako jardunaldiak. Aurtengo topaketa martxoaren 4an egingo dute, Errenterian (Gipuzkoa) —Zintzilik irratiak egingo ditu anfitrioi lanak—.

Irrati horren egoitzan egingo dute harrera. Ondotik, tailerrak egingo dituzte Gaztaino auzo elkartean. Mikelazulo kultur elkartean, berriz, mahai ingurua egingo dute honako izenburupean: Irrati libreen legeztatzea: kontrak eta onurak. Zaragozako (Espainia) Radio Topok egin duen txosten mardul bat izango dute abiapuntu, eta Iker Gomez Zintzilikeko kidea arituko da gidari. Ondotik, Zintzilik irratiaren egoitzan Arrosako irratien arteko audionobela bat egingo dute. Bazkariaren ostean, Bingo musikala-z gozatuko dute Arrosako irratien abestiekin.

Topaketan eta bazkarian parte hartzeko, izena eman behar da hilaren 28a baino lehen hertziok@gmail.com helbidean.

Bestalde, aste honetan Arrosak ekoizten duen Zebrabidea magazina eraberrituta eta esatari berriarekin itzuli da. Ekhiñe Zapiain esatariak Antxeta irratiko estudiotik gidatuko du programa hori datozen hilabeteetan, astegunetan, 16:00etatik 18:00etara. Irrati ugarik ematen dute.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Izan BERRIAlaguna

Gaiak

Albiste gehiago

'Culpa mía' filmeko fotograma bat ©Amazon Prime Video

Bieusek film bat bikoiztu du aurrenekoz Prime Videorentzat

Urtzi Urkizu

Amazonek ostegunean estreinatuko du 'Culpa mía' pelikula, euskaraz ere bai. Gazteentzako fikzio bat da.

«Ez dut ezer aurreikusten; emaitza sortuz noa»

Unai Etxenausia

«Dena zalantzan jarri» nahi izan du Aiesak Gasteizko Montehermoso kulturuneko erakusketa berrian.'Vestirme mal y desvestirme mucho' uztailaren 2ra bitartean egongo da ikusgai.

«Zuen serio ospe hori ez duzue merezi»

Naroa Torralba Rodriguez

Hiru urte daramatza Diazek Twitchen zuzenekoak egiten. Astelehenetik ostegunera, goizean. Asteburuetan, antzokiak betetzen ditu Se pudrió todo bakarrizketarekin. Larunbatean izan zen Bilbon.

Silfioa izan zitekeen, baina mihilu basatiarena da ilustrazioa, ez baitago silfioari buruzko irudirik. ©BERRIA

Silfioaren enigma

Enekoitz Telleria Sarriegi

Duela bi mila urte desagertu zen landarea da silfioa. Zirenen zuen jatorria, gaurko Libian, eta greziarrek eta erromatarrek erabili zuten medikuntzan, sukaldaritzan, lurringintzan... Urreak eta zilarrak adina balio zuen orduan silfioak. Fermin Jimenez artistak silfioaren historia eta zaporea berreskuratu ditu bere proiektuan: mihilu zaporeko izozki bat sortu du.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Pribatutasun politika eta Lege informazioa irakurri ditut eta onartzen ditut