Noiz sortua: 2019-08-25 00:30:00

kritika. Donostiako 80. Musika Hamabostaldia

Lehen biraren harmonia

Marta Garcia -

2019ko abuztuak 25

Vandalia

Zikloa: Musika Aitzaki. Taldekideak: Rocio de Frutos (sopranoa), Gabriel Diaz (kontratenorra), Victor Sordo (tenorra) eta Javier Cuevas (baxua). Egitaraua: Juan Sebastian Elkano (1476-1526): Navego en hondo mar. Lekua: San Nicolas de Bari eliza (Orio). Eguna: Abuztuak 23.

Juan Sebastian Elkanok munduari lehen bira eman ziolako 500. urteurrena aitzakia, Musika Hamabostaldiak hainbat kontzertu programatu ditu gertakari hura oroitzeko. Ostiralean, Vandalia taldeak bidaia itzel horren nondik norakoak haragiztatu zituen Antonio Piagafetta esploratzaile eta geografo italiarraren kronikaren testuak eta XVI. mendeko musika (espainola, gehienbat) bateratzen zituen programan.

Vandalia osatzen duten Rocio de Frutos sopranoa, Gabriel Diaz kontratenorra, Victor Sordo tenorra eta Javier Cuevas baxua ibilera handiko ahotsak dira, Sevilla hiriak bilduak, eta musika barrokoan nazioarteko entzutea duten ensemble eta zuzendariekin aritzen dira maiz. Elkarrekiko oreka egonkorrean, XVI. mendeko konpositore handien obren bidez nao Victoriak bizi zituen gorabeherak zentzu ederraz gauzatu zituzten Orioko San Nicolas de Bari elizan.

Lau kideak elizan barrena sakabanatuta, kantu gregorianoaren Ave Maris Stella ereserkiak Sanlucar de Barramedadik Afrikarako bidea ireki zuen, eta hasieratik geratu zen agerian lau ahotsen kalitate handia. Emisio garbia eta koloretsua, kontzertua aurrera zihoala tinbreen aberastasuna sumatzen zen nonahi. Aurkeztutako obra anitzen artean, Garcilaso de la Vegaren sonetoari musika jartzen dion Pedro Guerreroren Pasando el mar Leandro el animoso aipatu nahiko nuke, zeinaren bitartez laukoteak Ozeano Pazifikoan zehar pairatutako eskorbutoak eragindako oinazea gorpuztu zuen, tenorraren eta baxuaren ahotsak bereziki nabarmenduz.

Magallanesen heriotzaren ostean, eta Elkano jada gidari, Moluka Irletan bizi izandako lilura adierazteko, Francisco Guerreroren Todo quanto pudo dar aukeraketa paregabea suertatu zen. Edonola ere, eta programaren inguruan ezer txarrik esateko ez dagoen arren, batzuetan interpretazioa eroso sentitzen denaren inertziaz mugitzen zela zirudien, ├▒abardura eta koloreei tokirik utzi gabe. Bis gisa, Elkano eta Andaluziaren arteko ituna itxi zuen Maitia nun zira gozokia eskaini zion laukoteak publikoari, eta horrek atsegin bete txaloz jaso.

Albiste gehiago

Martxoaren 30ean eguneratua, 14:00etan. ©BERRIA

Koronabirusaren azken datuak

Berria

Euskal Herrian 8.225 gaixok eman dute positibo koronabirusaren proba eginda, administrazioen arabera. 402 hil dira. COVID-19 gaitza izandako 1.807 pertsonari eman diete alta. Grafikoak, albiste barruan.

Lantegiak itxita, Basaurin. ©Marisol Ramirez / Foku

Kutsatzeko kezka dute Arabako, Bizkaiko eta Gipuzkoako biztanleen bi herenek

Berria

Espainiako Gobernuak atzo onartutako dekretua indarrean da, eta funtsezkoak ez diren jardueretan aritzen diren langileek etxean geratu beharko dute gaurtik aurrera. Urkullu ez dator bat neurri horrekin, ezta patronala ere. Txibitek Sanchez babestu du, baina uste du hobe litzatekeela jarduera ekonomikoa ez geratzea eta erabaki hori malgutzea.

Sidenor enpresako langileak jarduera eteteko eskatzen, aurreko astean. ©MARISOL RAMIREZ / FOKU

Jaurlaritzak letra txikiari heldu nahi dio gutxieneko jarduera bati eusteko

Xabier Martin

Madrilen azalpen gehiagoren zain dago, baimena nahi duelako enpresei isunik jar ez diezaieten

Ospitale bateko larrialdietako sarrera ©Jon Urbe / Foku

Koronabirusa zuten 402 pertsona hil dira Euskal Herrian; horietatik bi, Lapurdin

Irati Urdalleta Lete

Lapurdiko aurreneko bi hildakoen berri eman du Vicent Bru diputatuak, prefetarekin elkartu ondoren. Azkeneko 24 orduetan 52 pertsona hil dira guztira, eta 452 pertsona gehiagori atzeman diete birusa.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna