Albistea entzun

HIZPIDEAK

Diruaren Superliga

Martxelo Otamendi Egiguren -

2021eko apirilak 20

Irudika al dezakegu Real Madril futbol taldea Espainiatik Erromara aldatu delako Roma del Re deitzen, eta arrazoi beragatik Manchester United Paris Unis izenarekin? Ez, noski, talde horiek oso sustraituta daudelako beren herrietan. Gertatzen den arte.

Bada horixe bera egin dute AEBetako NBAren historian 15 saskibaloi klubek: Minneapolis Lakers zirenak Los Angeles Lakers dira 1960tik; San Diego Rockets taldea Houston Rockets da 1971tik; orain Golden State Warriors dena Filadelfia Warriors eta San Frantzisko Warriors izan zen lehenago... Hiriz hiri, beti dirua itsasargi. Frankiziak esaten diete.

Non bukatuko da Europako gizonezko futbolaren talde nagusiek, azken urteotan imintzioka ibili ondoren, sortzear daukaten klub elitisten Superliga? Diruak zehaztuko ditu bidearen luzera eta izaera, etekinak direlako enpresatik gero eta gehiago daukaten talde horien arrazoi nagusia. Ikusi besterik ez dago azkenaldian futbolarekin harremanik ez daukaten negozio esparruetan nabarmendu diren zenbat kudeatzaile fitxatu dituzten talde horiek, enpresa egitura sendotzeko.

Zer eragin eduki lezake, aurrera ateraz gero, Superligak gure herriko talde profesionaletan? Pobretu egingo dira estatu bakoitzeko ligak, izarrez betetako lehiaketa berriak bereganatu egingo duelako babesleen eta telebista eskubideek sortutako diru kopuru nagusia.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...