Urtebete da Berri Txarrak taldeak Iruñeko Navarra Arenako agurreko bi kontzertuak eman zituela. Kontzertu jendetsuak izan ziren —aretoa bete egin zuten bi gauetan—, kontzertu gogoangarriak taldearen milaka zalerentzat. Urteurrena eta Berri Txarrak-en garrantzia baliatuta, Hamaika telebista programa berezia eskaintzen ari da asteburuan: Ikusi Arte urtebete. Berri Txarrak. Navarra Arenako kontzertuetako abesti batzuk grabatu, editatu eta gorde egin zituzten. Orain, urteurrenerako, ia ordu erdiko programa osatu dute.
Saioa ostiral gauean ikusi ahal izan zen lehen aldiz, eta atzo ere eman zuten. Baina gaur bertan bi ordutan ikusi ahal izango da: 15:30ean eta 20:00etan. Hortik aurrera, Hamaika telebistaren webgunean egongo da ikusgai: hamaika.eus
Lekunberrin (Nafarroa) taldeari egindako muraletik abiatu, eta guztira zazpi kantaren zuzeneko grabazioek osatzen dute Hamaika telebistaren programa bereziaren hezurdura, taldearen ibilbidea laburbiltzeko: Eskuak, Gelaneuria, Infrasoinuak, Ez naiz aldatuko, Jaio.Musika.Hil, Ikasten eta Oihu. Kantez gain, kontzertu haietako giroko irudiak ere ikusi ahal izango dira.
Berri Txarrak-en agurreko kantak, Hamaikan
Iruzkinak
Ez dago iruzkinik
Ordenatu
