Albistea entzun

PASCALEN IRRIBARRETIK

Zahar-etxean

Xabier Amuriza -

2020ko ekainak 6

Akolitoa nintzela, zaharren egoitzara ere joan behar izaten zen. Emakume bat doi-doi zen ibiltzeko gai, eta apaizari esan zion:

— Ai, jauna! Zertzuk ikusi behar ditugun, arin hiltzen ez bagara!

— Ez al zaude esku onetan? —galdetu zion Don Deoliok, apur bat noraez.

— Bai, jauna, bai! —baieztatu zuen emakumeak. Pentsa zer estimaturik nagoen, ez didate uzten inora joaten. Ez joaten, ez egoten! —marmartu zen.

— Jesus, emakume! —hots egin zuen apaizak—. Zaintzaile finen entzutea dute, ba!

— Finegiak, jauna! —hots egin zuen emakumeak ahots irrituan—. «Ibili egin behar duzu! Hau eta hori eta bestea egin behar duzu!». Bizitzaren ustezko luzatze txiki batek merezi al du pairatzea zaharroi eragiten zaizkigun neke guztiak?

— Baina, Antoni! Nik ondo ikusten zaitut. Oso ondo, esango nuke.

— Hainbeste ere ez, jauna —apaldu zen emakumea—. Hemen denak ikusiko ditu burumakur. Ba al daki berorrek zergatik? Inguruan zer dagoen ez ikusteagatik!

Pasilloan aurrera gindoazela, Don Deoliok gizon bati esan zion:

— Hemen gure Gaztelu ere! Zelan doa bizimodu hori?

— Hau zahar-etxea da, jauna —erantzun zuen Gaztelu-k.

— Zu ez zara horren zaharra! —losintxatu nahi izan zuen apaizak.

— Ez, beharbada —onartu zuen agureak—. Zahartu naiteke gehiago. Baina hasita nago topatzea hainbeste kostatako gauza bat zertarako den ez jakiten.

Hurrengo gelan, Karpan ezizeneko gizontxo bat hil-hurren zegoen. Apaiza azken sakramentuak ematera sartu zen. Konfesio aurretik, bazen ukazioen erritu bat, non galdera bat baitzen: «Ukatzen al duzu deabrua eta gorrotatzen haren izate guztia?». Agurea isilik zegoen, nik hilda uste nuen, eta apaizak ekin zion: «Baietz esan behar duzu, Karpan!». Agureak arnasa doi-doian eta etenka erantzun zuen: «Jauna! Batek ez daki noren eskura iritsiko den, eta nik ez dut inorekin haserre joan nahi».

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Irizpidea duzulako. Giroan zabiltzalako.

Zuk badakizulako.

Albiste gehiago

Pablo Larrainen 'Spencer' filmeko irudi bat. ©Donostiako Zinemaldia

Pablo Larrainen 'Spencer' izango da emanaldi sorpresako filma

Andoni Imaz

Etzi emango dute, 16:00etan, Viktoria Eugenian. Diana Spencer Galesko printzesari buruzkoa da.

Johnny Depp aktorea, atzo, Donostia Saria jasotzeko ekitaldian. ©Gorka Rubio / FOKU

Depp: «Arrazoi bakarrarengatik nago hemen: jendearengatik»

Edu Lartzanguren

Emazte ohiari tratu txarrak eman izanaren salaketa airean egon zen ekitaldian, nahiz eta inork ez aipatu zuzenean.

Thierry de Peretti zuzendaria eta Vincent Lindon aktorea, gaur, Donostian ©Jagoba Manterola / Foku

Droga trafikoaren barrunbeak eta kazetaritza, Sail Ofizialean

Ainhoa Sarasola - Mikel Lizarralde

Thierry de Peretti zinemagile frantsesak ‘Enquête sur un scandale d’état’ aurkeztu du Sail Ofizialeko lehian.‘La hija’ erakutsi du Manuel Martin Cuenca zuzendari espainiarrak sail berean, lehiatik kanpo

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.