Albistea entzun

Adingabeei egindako bost sexu-abusu kasu ikertuko ditu Bilboko Elizbarrutiak

Erasoak 1950eko hamarkadatik 1990ekora egin ziren Bizkaiko bost zentrotan. Salaketek 'El País'-ek egindako azterlan batean dute jatorria
Joseba Segura Bilboko apezpiku izendatzeko elizkizuna, 2019ean.
Joseba Segura Bilboko apezpiku izendatzeko elizkizuna, 2019ean. M .TOÑA/ EFE Tamaina handiagoan ikusi

Edurne Begiristain -

2022ko urtarrilak 5

Bilboko Elizbarrutiak jakinarazi du adingabeei egindako bost sexu-abusu kasu ikertuko dituela. «Ustezko edozein abusu kasu ikertu eta argituko dugu, arreta berezia eskainiz biktimen beharrei eta halako kasuak berriz ez gertatzeari». Sexu abusuak argitzeko urratsa egingo duela jakinarazi zuen atzo Bilboko Elizbarrutiak, ohar bidez.

Haurrei egindako abusuen salaketak Espainiako El País egunkariak eman zituen argitara, azaroan. Kazeta horrek, orotara, 251 salaketa jaso zituen Espainiako Elizan adin txikikoei egindako abusuen inguruko txostena izeneko azterlanean. Sexu abusu horien berri Vatikanoari eta Espainiako Eliza katolikoari eman zien El País-ek, eta horietatik bost dira Bizkaian gertatutakoak. Haiek argitzeko ikerketa bat abiatuko du orain Bilboko Elizbarrutiak.

Espainiako egunkariak kaleratutako informazioak jasotzen zuenez, abusu horiek Bizkaiko bost erlijio zentrotan egin ziren, 1950eko hamarkadatik 1990eko hamarkadara. Zehazki, sexu abusu horiek 1950eko hamarkadan Barakaldoko San Vicente de Paul ikastetxean izan ziren; 1964 eta 1966 artean, Bediako San Joan Bautista elizan; 1971n, Bilboko Santa Marina haurrentzako erietxean; 1976an, Bilboko Cristo Rey parrokian; eta 1990ean, Bilboko Maristas ikastetxean.

Bilboko Elizbarrutiak El País-ek egindako ikerketaren balioa aitortu du, bai eta sexu abusuak salatu zituzten biktimek egindako «ahalegina» goraipatu ere. Bilboko Elizbarrutiak adingabeak babesteko eta sexu abusuak prebenitzeko batzorde bat eratu zuen 2019ko uztailean, elizaren barruan izandako sexu abusuen salaketak argitzeko asmoz, eta hark abiatuko du gertakariei buruzko ikerketa. «Ikerketa zehatza izango da, betiere esku artean dauzkagun aukerak eta eskumenak kontuan hartuta», zehaztu du.

Ikerketa zabalagoa

Gertakariak argitzeko abiatuko duen ikerketa ahalik eta gehien osatua izan dadin, Bizkaiko Elizbarrutiak ateak zabaldu dizkio «eraso horien inguruan informazioren bat eman dezakeen edonori». Hala, gertaera horien edo Bizkaiko Elizarekin zerikusirik duen beste edozeinen berri izan duten herritarrei dei egin die elizbarrutiarekin harremanetan jartzeko, posta elektroniko bidez.

Ildo horretan, Bizkaiko Elizbarrutiak konpromisoa hartu du ematen zaizkion datuak «modu konfidentzialean» tratatzeko, eta, beraz, salaketak egiten dituenaren edo informazioa ematen duenaren nortasuna babesteko. Halaber, azpimarratu du konpromiso osoa duela elizaren barruan gertatu diren erasoak argitzeko, biktimei laguntza eskaintzeko eta kasuak berriro errepika ez daitezen «beharrezko neurriak» hartzeko.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Mugimendu feministaren protesta bat, Iruñean. ©JAGOBA MANTEROLA / FOKU

Abortu librerako urratsa

Ion Orzaiz

Abortuaren lege proiektua onartu du Espainiako Gobernuak. Heziketan eta osasun menstrualean eragiteko neurri sorta bat jaso dute. Subrogazio bidezko haurdunaldia indarkeriatzat joko dute
 ©IÑIGO URIZ / FOKU

«Ez du laguntzen abortuak sare pribatuan egiteak, ia ezkutuan»

Arantxa Iraola

Kontzientziarekin lotutako argudioak direla-eta alor publikoan aborturik ez egiteko erabiltzen diren arrazoiketei kritiko erreparatu izan die Triviñok; egokitzat dauka legea, zentzu askotan.
E28 Koordinakundeak egindako deialdiari erantzunez, ehunka pertsona elkartu ziren atzo Bilbon. ©MARISOL RAMIREZ / FOKU

«Borrokatzeko garaia da»

Olatz Enzunza Mallona

Hilabeteotan Bizkaian gertatutako erasoak jarri ditu jomugan E28 koordinakundeak LGTBIfobiaren Aurkako Nazioarteko Egunean. «Beldurra alde batera utzi», eta antolatzeko deia egin dute

Aitor Esteban eta Mertxe Aizpurua, Espainiako Kongresuan. ©MARISCAL / EFE

Eragileek ontzat eman dute legearen edukia, urrats gehiago eskatu duten arren

Gotzon Hermosilla

Higiene menstrualerako produktuen BEZaren gaiari heldu behar zaiola azaldu dute. Emakundek txalotu egin du «eskubideak berreskuratu izana»

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...