Albistea entzun
Emakumeen aurkako indarkeriari ez
Emakumeen aurkako indarkeriari ez

HIZPIDEAK

Tematuta Urigoitiarekin

Martxelo Otamendi Egiguren -

2021eko ekainak 29

Donostian nortasun agiria edo pasaportea egitera doazenek, arreta apur bat jartzen badute, ikusiko dute eraikinaren sarrerako paretan badagoela plaka handi bat ETAren biktima izan diren polizien izenekin. Lehena zerrendan, Meliton Manzanas, ETAk 1968an hil zuen polizia burua. Inork ez du espero haren izenaren ondoan «torturatzailea» jartzea. Intxaurrondoko Guardia Zibilaren kuartelera doan inork esperoko ez duen bezala «Kuartel honetan, oraintsu arte, asko torturatu da» dioen plakarik.

Otxandioko Udalaren eraikin batean gure herriko gatazkarekin lotura daukaten horma-irudi irudimentsuenetako bat dago, inteligentzia handiarekin pentsatua. Irudian, ETAko kide Luzia Urigoitiaren heriotza susmagarriaren berri ematen da, jazo zeneko egunkarietako titular legalak paretan itsatsita: «Tiroa jaso zuen garondoan gertu-gertutik (El País)», «Guardia Zibilak frogak faltsutu zituen», «Frogen manipulazioak auzia artxibatzea ekarri zuen»...

EAEko Auzitegiak agindua eman dio Otxandioko Udalari horma-irudia kentzeko, irudian ez bada kritikatzen Urigoitia ETAko kide zela, omenaldia delako. Bingoa! Kontrako eztarri judizialetik sartu zaie epaile batzuei irudi salatzailea, ez dagoen tokian aurkitu nahi dutelako ez-legezkotasuna.

Erabaki bera hartuko dute Manzanasen kasuan eta Intxaurrondokoan?

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...