Albistea entzun

HIZPIDEAK

Indultuak, Estrasburgotik zer etorri zain

Martxelo Otamendi Egiguren -

2021eko ekainak 22

Estrasburgoko Giza Eskubideen Auzitegiko magistratua izan zen 19 urtez Josep Casadevall, Andorrako estatuari dagokion lekua beteta. 2019ko azaroan BERRIAri emandako elkarrizketan bi baieztapen iragarle egin zituen procés-eko epaiaz: «Ez da gogorra, oso-oso gogorra da» eta «Estrasburgok badu zer aztertua, badago aztertzeko mamia». Auzitegi horrek giza eskubideen inguruan urteetan sortu duen jurisprudentziaren egileetako bat da. Ahots kualifikatua etorkizunean zer jazo litekeen aurreikusteko orduan.

Arrazoi bat baino gehiago dauka Espainiako presidente Pedro Sanchezek Kataluniako prozesuko preso politikoei indultua emateko: keinu garrantzitsu bat egin behar zien katalanei presidentetzan Kataluniako eta Euskal Herriko diputatu abertzaleen babesarekin segitu nahi badu, beste keinu bat Espainian zigorrarekin ados ez daudenei, eta beste keinu bat Europako diplomaziei.

Baina, aurrekoak bezain garrantzitsu, Estrasburgotik etor litekeen erabakia presoen aldekoa izan litekeela igarrita, posizioa hartu nahi izan du Sanchezek «arrazoia neukan indultuak ematean» esan ahal izateko.

Estrasburgoko lainoak irakurtzen lagunduko zion magistratu bat baino gehiago edukiko zuen ondoan hilabeteotan horrelako erabakia hartu aurretik.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.