Albistea entzun

Udalak kaleko argiztapena itzuliko dio Errekaleorri

«Gutxieneko zerbitzua» denez gero, udalak argiztapena eskaini behar diola azaldu du Gasteizko Udalbatzako idazkariak, EH Bilduk galdetuta
MARISOL RAMIREZ / ARGAZKI PRESS Tamaina handiagoan ikusi

Jon Rejado -

2017ko ekainak 1 - Gasteiz

Errekaleorrek kaleko argiztapena berreskuratuko du. Hala jakinarazi du Gasteizko Udalak. Ohar bidez ezagutarazi du aintzat hartuko duela udalbatzako idazkariak egin dion eskaera: hots, auzoari kaleko argiztapena itzuliko diola, udalak eskaini behar duen gutxieneko zerbitzua delako. Gorka Urtaranen udal gobernuak ez du zehaztu noiz eta nola itzuliko dion argia auzo okupatuari. Ordea, azaldu du Eusko Jaurlaritzako Industria Sailak ezarritako segurtasun eskaerak beteko dituela, baita udalaren txosten teknikoak ere.

Gasteizko EH Bilduk eskatuta ikertu du udaleko idazkariak Errekaleor auzoak maiatzaren 18tik bizi duen egoera; egun horretan, Iberdrolak argindarrik gabe utzi zuen auzoa, Eusko Jaurlaritzak hala eskatuta. Idazkariak gogorarazi du udalek gutxieneko zerbitzuak eskaini behar dizkietela auzo guztiei, Tokiko Erregimenaren Oinarrizko Legearen arabera. Bermatu beharreko zerbitzu horien artean kaleko argiztapena dago.

Erroldatutako bizilagunak

Idazkariak txostenean azaldu du auzoko eraikinek trataera berezia dutela. Hain zuzen ere, eremu horri dagokion hirigintza planak jasotzen du eraikinak «epe zehatz batean» botako dituztela, eta hori ere aintzat hartu du. Edonola ere, nabarmendu du jurisprudentziak ez duela hirigintza plana aintzat hartzen, baizik eta udalak bermatu beharreko gutxieneko zerbitzuak. Are gehiago, gaur egun bertan erroldatutako bizilagunak daudela ezagutarazi du. Argudio horietan oinarritu du erabakia idazkariak, baita gaineratu ere bizilagunek aukera dutela zerbitzu hori eskatzeko.

Gasteizko Udaleko EH Bilduko eledun Miren Larrion pozik agertu da idazkariaren txostenarekin. «Egindako kaltea osa» dezala eskatu dio Gorka Urtaran alkateari, udalak argindarra itzultzeko erabakia hartu aurretik: «Lehengo urratsa izatea nahiko genuke». Hain zuzen ere, Larrionek hausnartu du «elkarrizketarako eta elkarbizitza finkatzeko» garaia heldu dela.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Ertzaintzaren Irungo komisaria. ©GORKA ESTRADA / EFE

22 urteko gizon bat atxilotu dute Irunen, sexu eraso bat egiteagatik

Iñaut Matauko Rada

Goizeko ordu txikitan jazo da, herriko aparkaleku batean. Ertzaintzak sexu eraso bat egitea egotzi dio 22 urteko gizonari.

Mauleko mainfestazioa, gaur. ©Guillaume Fauvea

Etxebizitza espekulazioaren aurka mobilizatu dira Maulen

Oihana Teyseyre Koskarat

Etxe agentzietan itzuli bat osatuz egin dute protesta, XEKK Xiberuko Espekulazioaren Kontrako Kolektiboak antolatuta.

Donostiako erdialdeko kaleetan ibili dira manifestariak. ©IDOIA ZABALETA / FOKU

Zezenketen aurka mobilizatu dira Donostian

Iñaut Matauko Rada

Gipuzkoako Plataforma Antitaurinoak deituta, ehunka pertsonek Aste Nagusian Donostian egingo diren zezenketak gaitzetsi dituzte.

Manifestazioa, gaur, Donostian. ©Itaia Donostia.

Ziztada bidezko erasoak salatu, eta indarkeria matxistaren aurka antolatzera deitu dute

Berria

Itaiak manifestazio bat egin du Donostian, 'Ziztadarik ez. Erasoen aurrean babesa antolatu' lelopean.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...