Albistea entzun

ZUZENDARIEN GALEUSCA

Zer egin diezaioketen Kataluniari

Vicent Partal - 'Vilaweb'-eko zuzendaria

2022ko irailak 25

Juanma Moreno Andaluziako presidenteak lurrikara politiko eta ekonomiko txiki bat eragin du aste honetan. Morenok, diotenez PPko talde moderatuaren parte den horrek, bertan behera utzi ditu oinordetzen eta ondarearen gaineko zergak Andaluzian, eta, lotsarik gabe, katalanei eta bereziki enpresari katalanei eskatu die Andaluziara joateko bizitzera. Are, iragarri dutenez, Andaluziako Gobernuak ordezkaritza bat irekiko du Bartzelonan, hemengo herritarrak han erroldatu daitezela edo hara bizitzera joan daitezela lortzeko asmoz; egia esan, ez dago oso argi zer nahi duten.

Imajinatu, Maria eta Martxelo, zer gertatuko litzatekeen Kataluniako Gobernuari bururatuko balitzaio halako zerbait egitea. Edo Eusko Jaurlaritzak ordezkaritza bat irekiko balu Madrilen eta aho betean esango balu madrildarrak Euskal Herrira ihes egitera bultzatzeko pentsatuta dagoela, han utz dezaten dirua. Izugarrizko eskandalua izango litzateke, dudarik gabe.

Bistakoa da Morenoren erabakian eragina izan duela Espainiako bataila politikoak, eta, alde horretatik, antikatalanismoa beti saltzen da ondo. Eta demagogia ere bai. Azken batean, Andaluziak halako erabaki bat hartu izana zentzugabekeria hutsa da, eta ez da oso ulergarria, jakinda horren ondorioz urtean 359 milioi euro jasotzeari utziko diola eta kontuan hartuta estatuak urtero baliabide gehigarriak eman behar izaten dizkiola iraun ahal izan dezan.

Alde horretatik, konparazioa ezin mingarriagoa da. Katalunia da estatuari baliabide gehien ematen dioten lurraldeetan bigarrena lehenengoa Madril da, baina, dakizuenez, ez da kontuan hartzekoa, hiriburutza baliabideak direla eta. Baina, Katalunia baliabide gehien ematen duten lurraldeetan bigarrena izanik ere, hamalaugarrena da baliabide gehien jasotzen dutenen zerrendan urtero lapurtzen dizkiguten 20.000 milioi euro ospetsu horiek. Andaluzia, berriz, hamahirugarrena da estatuari gehien ematen diotenen artean, eta hamargarrena gehien jasotzen dutenen zerrendan. Madrilek nagusiki Kataluniatik eta Valentziatik xurgatzen duen diruari esker.

Eta, hala ere, Juanma Morenok zilegi du esaten duena esatea eta egiten duena egitea.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...