Albistea entzun

ZUZENDARIEN GALEUSCA

Asanblea

Vicent Partal - 'Vilaweb'-eko zuzendaria

2021eko azaroak 21

Kataluniako Errepublikaren Aldeko Kontseiluaren Ordezkarien Asanblea lehenbizikoz bildu zen iragan igandean, Canet de Rosellon. Ordezkarien Asanblea parlamentu bat da, eta 121 kide ditu, joan den hilabete akabailako hauteskundeetan aukeratuak. Hautetsiek CUPeko zinegotzi Ona Curto hautatu zuten Ordezkarien Asanbleako presidente, eta Maria Costa eta Jordi Pesarrodona izendatu zituzten presidenteorde: Costa Ipar Kataluniako herri bateko alkatea da, Banys de Arlesekoa; Pesarradona, berriz, Urriaren 1eko errepresaliaturik ezagunenetako bat da, ERCko zinegotzi izandakoa, eta, egun, Independentistes d'Esquerres taldeko kidea.

Hemendik aitzinera, Asanbleak bere barne araudia onartu beharko du, eta, gero, Kontseiluko presidentea hautatu; orain, Carles Puigdemont dago kargu horretan.

Nolanahi ere, iruditzen zait xehetasun jakin batzuk baino gehiago zera interesatuko zaiela euskal eta galiziar irakurleei, errepublika instituzionalizatzeko prozesu bat izatea hau, behin-behineko erakundeak izanen dituena eta 2017ko independentzia aldarrikapenaren legitimitatea oinarritzat hartuz gauzatua. Eta interesatuko zaizkiela horrek dakartzan aldaketa teorikoak ere.

Aldaketa nagusia da guztiz bereizi izana kudeaketa autonomikoa eta estatu berriaren eraikuntza. Frogatu baita bateraezinak direla. Asmoa da Kataluniako gutxiengo nazionala antolatzea, errolda baten bitartez, eta errolda horretan ageri direnek gobernu erakunde demokratikoak edukitzea, autodeterminaziorako eskubidea eskatu ahal izateko Europako itunetan eta nazioarteko legedian jasotzen diren eskubideetan oinarrituz, eta ez Espainiako barne legedia aintzat hartuz.

Erroldatuen zenbatekoa da eredu ezin interesgarriago eta berritzaile horren ahulgunea, Akilesen orpoa. Oraintxe, artikulu hau idazten ari naizenean, 101.652 lagun daude erroldatuak. Anitz dira, baina 2017ko autodeterminazio erreferendumean parte hartu zutenak baino aise gutxiago: 2.286.217 parte hartzaile izan ziren orduan. Proiektua sortzeko moduak eta boikot alderdikoiek ez dute lagundu orain arte. Ikusiko dugu Asanblea martxan jartzeak aldatzen ote duen dinamika hori.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...