Albistea entzun

Garesti zegoen lehen puntua

Lasok eta Imazek, iazko txapeldunordeek, sufrituta lortu dute binakako lehen garaipena
Unai Laso pilota bat jotzen, artxiboko irudi batean.
Unai Laso pilota bat jotzen, artxiboko irudi batean. MARISOL RAMIREZ / FOKU Tamaina handiagoan ikusi

Jon Eskudero -

2022ko azaroak 27

Emoziorik ez zaie falta aspaldian pilota partidei. Joan den astean, lau eta erdiko final gogoangarria tanto bakar batek erabaki zuen, eta atzo ere emozioz gainezka joan zen Bartzelonan jokatu zuten partida, Binakako Txapelketari zegokiona. Izan ere, partida ona eta gogorra jokatu zuten Laso-Imazek eta Jaka-Arangurenek, eta azken tantoan irabazi zuten gorriek; iazko txapeldunordeek, hain zuzen. Hain pilotaleku azkarrean jokaturik, espero izatekoa zen azkar joango zela norgehiagoka, baina izerdia latz bota behar izan zuten irabazleek lehen puntua eskuratzeko. Hasi eta buka, ondo jokatu zuten lau pilotariek, eta bukaerara arte oreka izan zen nagusi. Bada, azken tantoan jokatu zuten kale edo baleko tantoa, eta detaileek erabaki zuten guztia. Jakak arazoak izan zituen zutik egoteko ere, lesio bat tarteko, eta azkenean Lasok eta Imazek eskuratu zuten puntua.

Txapelketa aurkeztu zuten egunean, inor gutxik egingo zuen apustu Jakaren eta Arangurenen alde, baina erakutsi zuten lehiatu, behintzat, egingo direla txapelketan. Arangurenek batez ere oso ongi jokatu zuen partidaren hasieran, eta 4-8 ere aurretik izan ziren urdinak. Lanean oinarriturik, berdinketa lortu zuten gorriek, eta lehen atsedenaldi luzera aurretik iritsi ziren: 12-11. Pilotak gastatuz joan ahala, gogortzen hasi zen partida, eta elkar hautsi ezinik ibili ziren gerora bi bikoteak. Hots, berdinketa ugari izan ziren bukaerara arte: 14na, 16na eta 17na. Inork errentarik lortzen bazuen, asko zuen irabazia, eta Lasok eta Imazek 21 eta 18 aurreratzea lortu zuten. Esku-eskura zuten garaipena, baina, 21nakoaren ondoren, ederki sufritu zuten lehen puntua lortzeko.

Herenegun jokatu zen txapelketako lehen partida. Ezkurdia-Martijak irabazi egin zieten Etxeberria eta Rezustari: 22-20, hain zuen. Lehen jardunaldiak gaur izango du jarraipena, Tolosako Beotibarren (17:15, ETB1). Peña-Aranguren eta Urrutikoetxea-Albisu ariko dira aurrez aurre. Lehen jardunaldia asteazkenean amaituko da, Eibarren (Gipuzkoa). Altuna III.a-Tolosak Elordi-Zabaletaren aurka neurtuko dituzte indarrak.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Unai Garcia Osasunako erdiko atzelaria, baloia bereganatu nahian, atzo, Cornella-Praten. ©ALEJANDRO GARCIA / EFE
Robin Le Normand, Igor Zubeldia eta Martin Zubimendi, sasoi honetako entrenamendu batean. ©JAVIER ETXEZARRETA / EFE

Moxalen jauzi handia

Jon Ander De la Hoz

Realaren garai onean izarrak soilik ez, harrobiko jokalariak ere ari dira taldea hauspotzen. Zubietan ondutako jokalariak gako bilakatu dira azken boladako emaitza onak lortzeko. Gaur, Valladolid jasoko dute.
Aitor Elordi eta Jose Javier Zabaleta, garaipena ospatzen, txapelketan jokatutako aurreko lehia batean. ©O. MATXIN EDESA / FOKU

Bikain biribildu dute

Julen Etxeberria

Elordik eta Zabaletak nagusitasunez irabazi diete Peñari eta Eskirozi , eta finalerdietako ligaxkarako sailkatu dira. Jakak eta Arangurenek bigarren garaipena lortu dute, Peio Etxeberriari eta Rezustari gailenduta

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...