Albistea entzun

Ferreira, Karras eta besteak

Hainbat zinemagilek sartu dituzte jesuitak beren filmetako protagonisten edo pertsonaien artean. 'The Mission' eta 'The Exorcist' dira adibideetako batzuk.
Roland Jofferen <em>The Mission</em> (1986) filmaren fotograma bat.
Roland Jofferen The Mission (1986) filmaren fotograma bat. BERRIA Tamaina handiagoan ikusi

Begoña Del Teso -

2021eko irailak 15

Bada jesuita bat (edo bi, edo hiru) pertsonaia eta protagonista duten film sorta interesgarria. Javier Godinok antzeztua, Raul Lopezek muntaketa gelan eraikia eta kolore arduradun Juanjo Agirreolea duen Iñigo estreinatu ostean, Alfonso Pineda Ulloa mexikarrak sortutako The Jesuit-en berri izango dugu. Boteprontoan botatako begirada batean, thriller antza du: Jesuita ezizenaz ezaguturiko gizon bat egin ez duen delitu batengatik da kartzelan. Hilko diote emaztea, eta semea bahitu... Mendeku gosez da. Bai, zinema beltza dirudi, baina adi, erne, zeren eta Paul Schrader dugu gidoigile. Berak idatzia da Taxi Driver. Eta Raging Bull. Eta The Last Temptaion of Christ. Berak zuzendua First Reformed. Scorsese bezala katolikoa eta Jesuitetan ikasia, Errua, Barkamena, Fedea (eta Fede eza), Salbazioa (eta Salbazioaren Ezina) izan ditu beti gai eta oinaze.

Gustuko du Deabruak bera bezain jakintsuak eta bizkorrak izan daitezkeen horiekin borroka egitea eta euren flakeziak bere alde erabiltzea. Horrexegatik, zinemak ezagutzen dituen etsai-kentzailerik onenak jesuitak dira, The Exorcist-eko Aita Damien Karras eta Aita Lankester Merrin, izan ere. Biak... hilak.

1986an mundu guztia belauniko jarri zen Roland Jofferen eta Ennio Morriconeren The Mission-en aurrean. Bertan, Askapenaren Teologiaren hastapen urrunak izan zitezkeen Uruguain eta aldameneko lur galduetan sortutako misioen berri ematen ziguten. Hango orduko jesuitak munduko botere guztien kontra (Eliza bera barne) lehiatu ziren guarani herriaren alde. Baina goian dauden horiei ez zaie interesatzen behean daudenentzako paradisuak izan daitezen.

Scorsesek, Silence izenburuko lan mingotsean, erlijioa ulertzeko bi modu kontrajarriak kokatu zituen kamera aurrean: Frantzisko Xabierkoak bultzaturik, Japonian Jesu Kristo ezagutarazi nahi izan zutenena; eta, eguzkia gauero hiltzen eta egunsentiro pizten dela jakinik, hilobian hiru egun eman zituen jainko baten beharrik ez zuten horiena. Beste hamaika eztabaidagai ditu gidoi sendo eta lodia duen filmak. Esaterako... ulertuko luke Jainkoak Aita Ferreira bezalako kristauen apostasia, bizitza salbatzeaz gain, Fedea bera pizturik gordetzeko burutzen bada? Exijitu egiten al du Jainko horrek martirien gorputz sakrifizioa...?

Pedrok hiru aldiz esan bazuen ez zuela ezagutzen... nolatan eskatuko dio Goiko Jaunak herrixka bateko laborari umil bati duen gauza bakarra, hots bizitza, bere alde emateko?

Ez, ez dira azalekoak jesuitak protagonista dituzten filmak.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Irizpidea duzulako. Giroan zabiltzalako.

Zuk badakizulako.

Albiste gehiago

Miren Agur Meabe saritutako lana aurkeztu zuen egunean ©Jagob Manterola/Foku

Miren Agur Meabek Espainiako Poesia Saria irabazi du

Iñigo Astiz

‘Nola gorde errautsa kolkoan’ liburuagatik saritu dute egilea, eta 20.000 euro jasoko ditu. Euskarazko liburu batek sari hori jasotzen duen lehen aldia da

Miren Agur Meabe. ©Monika del Valle / Foku

«Gorputzaren idazketatik aldentzen ari naiz; horren isla da liburua»

Aitor Biain

Pozik eta hunkituta jaso du Espainiako Poesia Sariaren berria Miren Agur Meabek (Lekeitio, Bizkaia, 1962). Bidaide izan dituen guztiei eskaini die.

Donostiako Zinemaldia | Laburpena, irailaren 20a

'Vous ne désirez que moi', 'Distancia de rescate' eta 'Crai nou' filmen aurkezpena

BerriaTB

Donostiako Zinemaldiko laugarren egunaren bideo laburpena.

Maria Valverde, Clara Llosa, Samanta Schweblin eta Dolores Fonzi, gaur, Donostian. ©Jon Urbe / Foku

Amatasunaren hariak eta izuak

Ainhoa Sarasola - Mikel Lizarralde

Claudia Llosak Distancia de rescate filma erakutsi du Sail Ofizialeko lehian. Vous ne désirez que moi (Claire Simon) eta Crai Nou (Alina Grigore) pelikulak ere aurkeztu dituzte.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.