Albistea entzun

Koronabirusa

COVID-19 kasuek goia jo dute Hego Euskal Herrian: 2.235 positibo atzeman dira

Inoiz baino gehiago izan dira; gehienak, Bizkaian: 1.078. Osakidetzako eta Osasunbideko COVID-19 gaixo kopurua bikoiztu egin da bi astean
Osakidetzako langileak baheketa bat egiten, Agurainen.
Osakidetzako langileak baheketa bat egiten, Agurainen. RAUL BOGAJO /FOKU Tamaina handiagoan ikusi

Maria Ortega Zubiate -

2021eko uztailak 23

Birusaren goraldiak ez du etenik. Egunean atzematen dituzten kasu kopuruak gora egin du azken asteotan, herenegun 2.000 kasutik gora jakinarazteraino; beste behin baino ez zituzten horrenbeste kasu atzeman egun bakarrean, iazko urrian. Atzo, ostera, marka guztiak hautsi zituen Hego Euskal Herriko kurba epidemiologikoak; pandemia osoan atzemandako kutsatu kopururik handiena jakinarazi zuten. 2.235 kasu atzeman zituzten Osakidetzak eta Osasunbideak, aurreko egunean baino ia 200 gehiago.

Izurriak hauspoa hartu du berriz ere, eta gero eta bertikalagoa den kurba epidemiologikoak atzean utzi ditu iazko urriko datu makurrak. Egoera larria eskasa bada ere, Bizkaiko kasua da kezkagarriena, batez ere. Herrialdeak egunak daramatza kutsatuen markak hausten, eta Osakidetzak atzo atzemandako kopuruak berriz ere jarri du lurraldea kutsatzeen buruan: 1.078 zenbatu dituzte bertan, duela bost egun eskas atzemandakoak halako bi. Egoera ez da hain kritikoa beste lurraldeetan, azken egunetatik hona ez baita horrenbesteko igoerarik egon eguneko datuetan. 482 izan dira Gipuzkoan, 434 Nafarroan, eta 204 Araban.

Atzoko datuak izan dira atentzio handiena eman dutenak, marka hautsi dutelako. Baina egoera ez da egun batetik bestera okertu; azken hamalau egunetako datuak ere aski adierazgarriak dira, epe horretan egin diren proba guztien %12,40 izan baitira positibo. Ehuneko horrek alde handiz gainditzen du OMEk izurria kontrolpean izateko ezarritako muga. Beste era batera esanda, azken hamalau egunetan egindako zortzi proba diagnostikotatik bat positibo izan da. Positibo tasa hain handirik ez dute jakinarazi pandemia osoan Osakidetza eta Osasunbideak. Alderatzeko, iazko uda hasieran 200 probatik bat izaten zen positibo. Kutsagarritasunaren bat-bateko igoera aldaera berriei egotzi diete zenbait adituk eta agintarik. Hain justu, azken hilabetean delta aldaera nagusitu da, eta jada Osasunbideak atzemandako kasuen %80 gainditu du. Osakidetzak antzerako kopurua identifikatu du dagoeneko; kasu guztien %75.

Ospitaleratzeen bilakaera

Kutsatuak gora doazenero, ospitaleetako egoerak berebiziko garrantzia bereganatzen du, eta adi erreparatu behar zaio. Txertaketaren ondorioz, aldatu egin da egoera, baina erne jarraitu behar da. Osakidetzak eta Osasunbideak jakinarazitako azken datuen arabera, ospitaleetan 292 gaixo daude gaur egun COVID-19aren ondorioz; horietatik 60, ZIUetan. Erietxeratuta dauden lagunen kopuruak, ordea, aurreko egunarekin alderatuz, pittin bat behera egin du: hamalau eguneko epea kontuan hartuta, halako bi baino gehiago da orain kopurua. ZIUetan, berdin: hamalau egunean biderkatu egin da unitate horietan larri dauden gaixoen kopurua.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Nafarroako Gobernuak eskatu du murrizketak irailaren 2ra arte luzatzeko

Nafarroako Gobernuak eskatu du murrizketak irailaren 2ra arte luzatzeko

Arantxa Iraola

Neurriak jasotzeko ondu duten foru araua bidali dio Nafarroako Justizia Auzitegi Nagusiari, oniritzia eman diezaion

Gazte boluntarioak lubaki batean indusketa egiten, Zizurkilen (Gipuzkoa) ©Jon Urbe

Memoriaren lege proiektua eztabaidatuko dute Eusko Legebiltzarrean

Gotzon Hermosilla

Jaurlaritzak onartutako egitasmoak «egia, justizia, erreparazioa, berriz ez gertatzeko bermea eta balio demokratikoak» ditu ardatz.

Uztailaren 19an Zornotzan egindako elkarretaratzea, eraso matxista eta homofoboen aurka. ©Marisol Ramirez/FOKU

«Agerraldi antimatxunoa» egingo dute Zornotzan, asteburuko istiluak salatzeko

Nerea Laurizika

Hainbat eraso izan dira Zornotzan (Bizkaia) asteburuan. Hiru lagun zaurituta eraman zituzten ospitalera, eta haietako bat larri dago oraindik.

 ©JEAN-CHRISTOPHE BOTT, EFE

Nestlek 46 izozki mota erretiratu ditu saltokietatik, etileno oxidoa dutelako

Oihane Puertas Ramirez

Etileno oxidoa substantzia toxikoa da, eta ez dago onartuta Europako Batasunean. Froneri fabrikatzaileak azaldu du osagaia «oso kantitate txikian» erabiltzen dela, eta dela ez «batere arriskutsua» kontsumitzaileen osasunerako.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.