Euskaltzaindiak eta Eusko Ikaskuntzak jasoko dute Ibilbidearen Elkar saria

Ehun urte bete dituzte bi erakundeek, eta Elkar fundazioak, aitortzaren bidez, gogora ekarri nahi izan du egiten duten lanaren garrantzia
Iñaki Dorronsoro Eusko Ikaskuntzako presidentea, mendeurrena ospatzeko ekitaldian, iaz, Oñatin.
Iñaki Dorronsoro Eusko Ikaskuntzako presidentea, mendeurrena ospatzeko ekitaldian, iaz, Oñatin. MARISOL RAMIREZ / FOKU Tamaina handiagoan ikusi

Miren Garate -

2019ko maiatzak 4

Sortu zirenetik, ibilbide propioa egin dute bai Eusko Ikaskuntzak, bai Euskaltzaindiak. Hala ere, Elkar fundazioko kideen esanetan, badituzte antzeko zenbait ezaugarri. Esate baterako, Euskal Herria bere osoan hartzen duten erakundeak dira biak, Euskal Herri osoari begira lan egiten dutenak: «Esan daiteke, beraz, euskararen herria egituratzeko nahitaezko elementu direla, beste erakunde askoren artean».

Euskara eta euskal kultura, herri kultura zein kultura jasoa zaindu, landu eta zabaltzeko duten helburua da biek duten beste ezaugarrietako bat; Euskaltzaindiak batez ere hizkuntza du langai, eta Eusko Ikaskuntzak, berriz, jakintza. Halaber, elkarlanaren eredu izan dira beren jardueran. «Alde batetik, talde zabalen bidez egin dute lan, talde lana sustatuz eta jendearen parte hartzea bilatuz. Bestetik, elkarlanerako ateak zabalik izan dituzte; Euskal Herriko herri zein gizarte eragileekin batera aritu dira lanean».

Arrazoi horiek aipatu ditu fundazioak aurtengo ibilbidearen Elkar saria bi erakundeei emateko erabakia arrazoitzeko. «Bakoitza berean, ikur izan dira Euskal Herriarentzat, erreferente eztabaidaezin. Eta, garrantzitsuago dena, ehun urteren ondoren bizirik eta indarrez daude, eta ikur izaten jarraitzen dute etorkizuneko Euskal Herria eraikitzeko orduan».

Maiatzaren 9an egingo da sari-banaketa ekitaldia, 19:00etan, Andoaingo (Gipuzkoa) Bastero kulturgunean. Eta ekitaldi horretan bertan banatuko dute Proiektuaren Elkar saria ere. Orain aste batzuk iragarri zuen fundazioak Euskal Herria Zuzenean festibalarentzat izango zela sari hori.

Horrez gain, iaz emandako Joseba Jaka bekaren laguntzarekin Ma kolektiboak egin duen Lua kastore dantza eta antzerki ikuskizuna ere orduan estreinatuko dute.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Murga eta Tapia jarduneko sailburuak, gaur, Eusko Jaurlaritzaren Bilboko egoitzan. ©Javier Zorrilla / Efe

Eusko Jaurlaritzak neurri murriztaileak ezarriko ditu pilaketarik ez sortzeko

Andoni Imaz

Tapia jarduneko sailburuak adierazi du «agertoki berri bat» iritsiko dela, eta osasun larrialdia ezartzeak ez duela esan nahi iragan hilabeteetako neurriak hartuko dituztenik. Jendea ez pilatzeko, edukiera murriztuko dute zenbait lekutan, eta ordutegiak mugatuko dituzte.

Bilboko Zorrozgoiti zahar etxeko egoiliar bat, atzo. ©MIGUEL TOÑA / EFE

Etsipena, beldurra eta nekea zahar etxeetan

Aloña Beraza Peña

Zahar etxeetako kutsatzeek gorakada nabarmena izan dute azken asteetan, eta langileak beldur dira ez ote diren itzuliko gaitzaren lehenengo olatuko egoerara. Egoiliarren artean ere kezka da nagusi.

Salvador Illa Espainiako Osasun ministroa, atzoko agerraldian. ©CHEMA MOYA / EFE

Jaurlaritzak osasun larrialdia ezarriko du astelehenetik aurrera

Irati Urdalleta Lete - Olatz Esteban Ezkati

Tapia eta Murga sailburuek gaurko agerraldian emango dituzte xehetasunak. Madrilek hartu ditu lehen neurriak, egoera epidemiologikoak okerrera egin duela eta: tabernek 01:00ean itxi beharko dute, eta gauerditik aurrera ezingo da bezero gehiagorik sartu. Kalean erretzea ere debekatuta egongo da, bi metroko tartea bermatu ezin bada.

 ©ARITZ LOIOLA / FOKU

«Martxoko egun zailenetan PCRak orain bezala eginda, 6.000 kasu izango genituen»

Maite Asensio Lozano

Pandemiaren jarraipena egiten ari den lantaldeari esker COVID-19aren transmisioa moteldu egin dela uste du Ignacio Garitano epidemiologoak. Bigarren olatua iritsi dela berretsi du, baina orain askoz positibo gehiago detektatzen direla nabarmendu du.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna